Áskeri ushaǵy joq el
Zertteý júrgizgender Tájikstannyń áskeri burynǵydai álsiz, áskeri tehnikasy men qarý-jaraqtarynyń teń jartysynan astamy KSRO kezinde shyǵarylǵan, ábden eskirgen dep esepteidi. Eger de syrtqy nemese ishki qaqtyǵys týa qalǵan jaǵdaida, tájik qorǵanys kúshi Ujymdyq qaýipsizdik jónindegi shart uiymyna (UQShU) júginýge májbúr bolady dep atap ótken.
Global Firepower reitingisi boiynsha Tájikstan álemniń qarýly kúshteriniń qaýqary jaǵynan 112-oryn alyp keletin. Bul joly 126-orynǵa bir-aq tústi.
Zertteýge sáikes, tájik áskeriniń quramy – 8800 ofitser men sarbaz. Jalpy alǵanda 16 myń áskeri qyzmetker bar. Tájik áskeriniń qaramaǵynda 30 T-72 tankisi, 7 T-62 tankisi, 23 jaiaý ásker kóligi jáne 23 bronetransporter (BTR), bir Tý-134 ushaǵy men úsh MI tikushaǵy bar.
Tájikstannyń ulttyq armiiasy 1993 jyldyń basynda eldegi azamattyq soǵys kezinde qarýly oppozitsiiaǵa qarsy kúresken Halyq maidany qarýly kúshteri negizinde qurylǵan. Onyń ózge postsovettik elderden aiyrmashylyǵy sovet armiiasynan muraǵa eshnárse almady.
