Áskeri doktrinanyń oryndalýy qalai?
Sharaǵa Senat depýtattary, elimizdiń Qorǵanys ministrliginiń, Ulttyq qaýipsizdik komiteti Shekara qyzmetiniń, IIM Ulttyq ulannyń basshylyǵy qatysty.
Kezdesýdi ashqan D.Nazarbaeva eldiń qorǵanys qabiletin jáne qaýipsizdigin qamtamasyz etý máseleleriniń mańyzdylyǵyn atap ótti. «Qarýly kúshter – bizdiń halqymyzdyń táýelsizdigine kepildik beredi», – dedi syrtqy qaýipterdi boldyrmaý men joiýda armiia róliniń artyp kele jatqanyn atap ótken senator.
Otyrysta elimizdiń Qarýly Kúshteri Bas shtaby bastyǵynyń birinshi orynbasary general-maior Rýslan Shpekbaevtyń Áskeri doktrina týraly baiandamasy tyńdaldy. Ol doktrinada kúrestiń «gibridti» ádisteri, «áskeri emes quraldar», «ishki qarýly qaqtyǵys» degen uǵymdar men anyqtamalardyń birinshi ret jasalyp qoldanylǵanyn, QR Qarýly Kúshteriniń, basqa da áskerler men áskeri quralymdardy qoldaný, kiber qaýipsizdik sharalaryn kúsheitý, jalpy áskeri qaýipsizdikti qamtamasyz etý júiesine aýmaqtyq qorǵanysty integratsiialaý, materialdyq-tehnikalyq qamtamasyz etý júiesin damytý, Qazaqstannyń beibitshilikti qoldaý sharalaryna qatysýyn keńeitý, memlekettiń áskeri uiymdardy basqarý júiesin damytý tártibi naqtylandy dep atap ótti.
– Bizdiń birlesken jan-jaqty jumysymyz armiiany qajetti, zamanaýi qarý-jaraq pen áskeri tehnikamen jaqyn arada jabdyqtaý máselelerin sheshýge múmkindik beredi. Ol úshin Qorǵanys týraly zańǵa tiisti túzetýler engizý qajet jáne bul múddeli memlekettik organdarmen jumys jasaýdy talap etedi», – dep atap ótti Halyqaralyq qatynastar, qorǵanys jáne qaýipsizdik komitetiniń tóraǵasy Dariǵa Nazarbaeva.
«QmD» aqparat
