Jambyl oblysyndaǵy áskeri bólimderdiń birinde qaraýyl bastyǵy oq jaraqatynan qaza tapty, dep habarlaidy Dala News.
Áleýmettik jelilerdegi málimetke sáikes, 15 naýryz kúni qaraýyldyń úshinshi beketinde vedomstvolyq kúzet qyzmetkeri karabinnen abaisyzda oq atyp, qaraýyl bastyǵyna tigen.
Oqiǵa saldarynan jaralanǵan er adam aýrýhanaǵa jetkizilgenimen, dárigerler onyń ómirin saqtap qala almady.
Ishki ister ministrliginiń Áskeri-tergeý departamenti atalǵan faktini rastap, qaza tapqan adamnyń áskerilendirilgen kúzet qyzmetiniń azamattyq qyzmetkeri bolǵanyn habarlady.
«Qazirgi ýaqytta sotqa deiingi tergeý júrgizilýde. Oqiǵanyń barlyq mán-jaiy qajetti tergeý áreketteri men protsessýaldyq sharalar nátijesinde anyqtalady», – dep málimdedi IIM.
