Qorǵanys ministri Dáýren Qosanov áskerdegi sarbazdardyń ólimi týraly suraqqa kúlip jiberdi, dep habarlaidy Dalanews.kz.
Sheneýnik qazir mundai oqiǵalar joq ekenin aityp, qaitys bolǵan sarbazdardyń analarynyń mitingige shyǵýy burynǵy oqiǵalarǵa bailanysty ekenin jetkizdi.
"Qoiyńyzshy? Sizge shyn aityp turmyn, búginde bizde ondai derekter joq. Ol analardyń oqiǵalary ótken jyldary - 2020-2023 jyldary bolǵan. Biz olardy qabyldap jatyrmyz. Analar mitingige shyqqan máselelerdiń bári tergeý jumystaryna qatysty. Tergeýdi IIM júrgizip jatyr, ol Bas áskeri prokýratýranyń baqylaýynda", - dedi ol.
Eske salaiyq, buǵan deiin Prezident Qasym-Jomart Toqaev Bas prokýrorǵa áskerde qaza tapqan sarbazdardyń analarynan túsken aryz-shaǵymdy 12 kún ishinde qarastyryp, isti tergeý barysynda zańnyń saqtalýyna baǵa berýdi tapsyrdy.
