Olardyń qatarynda «Jer jánnaty – Ashysai» jobasy bar. Bul – Kentaý qalasyna jaqyn Ashysai eldi mekeninde týrizm oryndaryn damytý arqyly óńirdi jandandyrý. Ashysaidyń ásem tabiǵatyn kórsetip kelýshiler sanyn arttyrýǵa baǵyttalǵan.
Al «Sporttyq aýyl – Ashysai» jobasy – Ashysai turǵyndary arasynda buqaralyq sportty jetildirý, sporttyq is-sharalar arqyly aýyl-aimaqtarda salaýatty ómir saltyn damytýǵa serpin berýdi kózdeidi.
Sondai-aq, «Zeinet jas – sapaly ǵumyr» jobasy tanystyryldy. Onda zeinetkerlerdi sporttyq-mádeni is-sharalarǵa baýlý, qarttardyń ómirge qyzyǵýshylyǵyn arttyryp, ómir jasyn uzartý jaiy qaralǵan. Sonymen qatar, «Rýhtyń damýy – el damýy» jobasy aiasynda Ashysai jastaryna rýhani bilim berip, básekelestikke qabilettiligin arttyrý maqsaty kózdelgen.
Jobalardy tyńdaýǵa QR Memlekettik qyzmet isteri agenttiginiń Túrkistan oblysy boiynsha departamentiniń basshysy B.Isaqov qatysyp, komissiiaǵa Kentaý qalasy ákiminiń orynbasary B.Álimbetov, Túrkistan oblysy Týrizm basqarmasy basshysynyń mindetin atqarýshy P.Qonysbaeva jáne Túrkistan oblysy Dene shynyqtyrý jáne sport basqarmasy basshysynyń orynbasary D.Isabaev qatysty.
Jobalar rektor men komissiia tarapynan joǵary baǵalanyp, Kentaý qalasy ákimdigi Ashysaidy týrizm ornyna ainaldyrý ideiasyn qoldap, atalǵan jobalar aiasynda eldi mekendi damytý júrgizilmek.
Túrkistan oblysy óńirlik kommýnikatsiialar qyzmeti
