Aýyl sharýashylyǵy mınıstrligi 1 kılogramm sıyr etiniń baǵasy 3 400–3 500 teńge deńgeıinde ekendigin, onyń óndirýshilerdegi ortasha kóterme baǵa bolyp sanalatynyn túsindirdi, dep habarlaıdy Dalanews.kz.

Elordadaǵy saýda núktelerinde et jetkizý, saqtaý jáne basqa da obektıvti shyǵyndar eskerile otyryp satylady. Sonyń nátıjesinde Astanada bólshek saýdadaǵy baǵa kılogramyna 3 700–4 300 teńgege deıin jetedi.

Al qabyrǵa-jaýyryn bóligi, áleýmettik mańyzy bar azyq-túlik tizimine engizilgendikten jáne bul sanatqa saýda ústemesi 15%-dan aspaıtyndyqtan, kılogramyna 3 100–3 400 teńge baǵamen satylady.

Óńirlerde ettiń bólshek saýdadaǵy ortasha baǵasy kılogramyna 3 500–4 300 teńge quraıdy.

Al joǵary deńgeıli bólikterdiń (sıyr fılesi, qalyń jáne jińishke jıegi, beldiń bir bóligi) jáne basqa da bólikterdiń (jambas eti, ish maıy jáne t.b.) baǵasy memleket tarapynan rettelmeıdi, naryqtyq jolmen qalyptasady.