اۋىل شارۋاشىلىعى مينيسترلىگى 1 كيلوگرامم سيىر ەتىنىڭ باعاسى 3 400–3 500 تەڭگە دەڭگەيىندە ەكەندىگىن، ونىڭ وندىرۋشىلەردەگى ورتاشا كوتەرمە باعا بولىپ سانالاتىنىن ءتۇسىندىردى، دەپ حابارلايدى Dalanews.kz.
ەلورداداعى ساۋدا نۇكتەلەرىندە ەت جەتكىزۋ، ساقتاۋ جانە باسقا دا وبەكتيۆتى شىعىندار ەسكەرىلە وتىرىپ ساتىلادى. سونىڭ ناتيجەسىندە استانادا بولشەك ساۋداداعى باعا كيلوگرامىنا 3 700–4 300 تەڭگەگە دەيىن جەتەدى.
ال قابىرعا-جاۋىرىن بولىگى، الەۋمەتتىك ماڭىزى بار ازىق-تۇلىك تىزىمىنە ەنگىزىلگەندىكتەن جانە بۇل ساناتقا ساۋدا ۇستەمەسى 15%-دان اسپايتىندىقتان، كيلوگرامىنا 3 100–3 400 تەڭگە باعامەن ساتىلادى.
وڭىرلەردە ەتتىڭ بولشەك ساۋداداعى ورتاشا باعاسى كيلوگرامىنا 3 500–4 300 تەڭگە قۇرايدى.
ال جوعارى دەڭگەيلى بولىكتەردىڭ (سيىر فيلەسى، قالىڭ جانە جىڭىشكە جيەگى، بەلدىڭ ءبىر بولىگى) جانە باسقا دا بولىكتەردىڭ (جامباس ەتى، ءىش مايى جانە ت.ب.) باعاسى مەملەكەت تاراپىنان رەتتەلمەيدى، نارىقتىق جولمەن قالىپتاسادى.
