– Elimizdegi azamattyq belsendi top ókilderi áleýmettik jelide parlamenttik kanikýl kezinde depýtattardyń nendei máselemen ainalysyp júrgeni jaiynda monitoring uiymdastyrǵanynan habardarymyn.
Senattyń Spikeri retinde óz oiymdy bildirgendi jón sanadym. Dál qazirgi ýaqytta senatorlar óziniń aimaqtary men elordada jumystaryn jalǵastyrýda. Birqatar áriptesterimizdiń ókilettiligi aiaqatalyp, aldaǵy Senat depýtattaryn sailaý isimen ainalysýda.
Endi bir senatorlar el qatarly koronavirýs virýsyn juqtyryp, emdelýde. Virýs juqtyrǵan azamattar men áriptesterimniń tezirek saýyǵyp ketýin tilektespin.
Ótken sessiiada depýtattar Memleket basshysynyń pandemiiaǵa qarysy kúres sharalary men el ekonomikasyn qalypqa keltirýge qatysty bastamalaryn iske asyrý úshin zańnamalyq negizdi qalyptastyrdy. Naqytyraq aitsam, el azamattarynyń birqataryn salyqtan bosatyp, áleýmettik tólemder tóleýin toqtatýdy, dúnie-múlikke salynǵan salyqtardyń ósimderin keshirýge múmkindik beretin zań normalaryn ázirlendi, – dep Máýlen Áshimbaev Senat depýtattarynyń ne istep, ne qoiǵandaryn alǵa tartypty.
Al qoǵam ókilderiniń jazǵy kanikýl kezinde depýtattar ne istep júr degen suraqqa qatysty ol bylaisha jaýap qaiyrypty.
– Dástúrli «Parlamenttik kanikýl» senatorlar úshin tek qana demalystan turmaidy. Qazirgi tańda áriptesterimiz Parlament qabyrǵasynda júrmese de aimaqtarda jumys istep jatyr. Olar aldaǵy sessiiada kelip túsetin zań jobalarymen tanysyp, jumys isteýde.
Iá, sońǵy jaǵdailar Senat depýtattarynyń aýdan-aýyldarǵa josparlaǵan jumys-saparlaryna kedergi keltirdi. Sol sebepti senatorlar el aralaý jumystarynan bas tartty. Aldaǵy karantin rejiim alynyp, jaǵdai qalypqa kelgennen keiin aimaqtarǵa josparlaǵan jumystardy mindetti túrde júzege asyratyn bolamyz.
Búginde senatorlar Memleket basshynysy tapsyrmalarynyń aimaqta qalai júzege asyp jatqanyn baqylaý jasaýda. Depýtattar dári-dármek tapshylyǵy men meditsinalyq qurylǵylardyń jetispei jatqanyn jaqsy biledi. Tipti, olar osy máselelerdiń oń sheshilýine óz úlesterin qosyp ta jatyr, – depti Máýlen Áshimbaev Feisbýktaǵy paraqshasynda jazba qaldrypty.
Budan keiin Máýlen Áshimbaev senator Muhtar Bahtiiaruly men Ǵumar Dúisenbaev aimaqtardaǵy aýrýhanalardy aralap, istiń oń baǵytta sheshilýine yqpal etkenin, tipti, óz qarajattaryn da aiamaǵanyn alǵa tartypty.
Sonymen qatar Sentattyń halyqaralyq ister, qorǵanys jáne qaýipsizdik komitetiniń tóraǵasy, senator Muhtar Qul-Muhamedtiń dári-dármekterdi qoldan jasaýshylarǵa qarsy jazany qatańdatý týrasynda Bas prokýratýraǵa hat jazyp másele kóterigenin de tilge tiek etipti. Spiker jazbasynyń sońynda senatorlar koronavirýspen kúreske qarjy bólgenin onysyn jurtqa jariia etpegenin de tilge tiek etipti.
