– ەلىمىزدەگى ازاماتتىق بەلسەندى توپ وكىلدەرى الەۋمەتتىك جەلىدە پارلامەنتتىك كانيكۋل كەزىندە دەپۋتاتتاردىڭ نەندەي ماسەلەمەن اينالىسىپ جۇرگەنى جايىندا مونيتورينگ ۇيىمداستىرعانىنان حاباردارىمىن.
سەناتتىڭ سپيكەرى رەتىندە ءوز ويىمدى بىلدىرگەندى ءجون سانادىم. ءدال قازىرگى ۋاقىتتا سەناتورلار ءوزىنىڭ ايماقتارى مەن ەلوردادا جۇمىستارىن جالعاستىرۋدا. ءبىرقاتار ارىپتەستەرىمىزدىڭ وكىلەتتىلىگى اياقاتالىپ، الداعى سەنات دەپۋتاتتارىن سايلاۋ ىسىمەن اينالىسۋدا.
ەندى ءبىر سەناتورلار ەل قاتارلى كوروناۆيرۋس ۆيرۋسىن جۇقتىرىپ، ەمدەلۋدە. ۆيرۋس جۇقتىرعان ازاماتتار مەن ارىپتەستەرىمنىڭ تەزىرەك ساۋىعىپ كەتۋىن تىلەكتەسپىن.
وتكەن سەسسيادا دەپۋتاتتار مەملەكەت باسشىسىنىڭ پاندەمياعا قارىسى كۇرەس شارالارى مەن ەل ەكونوميكاسىن قالىپقا كەلتىرۋگە قاتىستى باستامالارىن ىسكە اسىرۋ ءۇشىن زاڭنامالىق نەگىزدى قالىپتاستىردى. ناقىتىراق ايتسام، ەل ازاماتتارىنىڭ ءبىرقاتارىن سالىقتان بوساتىپ، الەۋمەتتىك تولەمدەر تولەۋىن توقتاتۋدى، دۇنيە-مۇلىككە سالىنعان سالىقتاردىڭ وسىمدەرىن كەشىرۋگە مۇمكىندىك بەرەتىن زاڭ نورمالارىن ازىرلەندى، – دەپ ماۋلەن اشىمبايەۆ سەنات دەپۋتاتتارىنىڭ نە ىستەپ، نە قويعاندارىن العا تارتىپتى.
ال قوعام وكىلدەرىنىڭ جازعى كانيكۋل كەزىندە دەپۋتاتتار نە ىستەپ ءجۇر دەگەن سۇراققا قاتىستى ول بىلايشا جاۋاپ قايىرىپتى.
– ءداستۇرلى «پارلامەنتتىك كانيكۋل» سەناتورلار ءۇشىن تەك قانا دەمالىستان تۇرمايدى. قازىرگى تاڭدا ارىپتەستەرىمىز پارلامەنت قابىرعاسىندا جۇرمەسە دە ايماقتاردا جۇمىس ىستەپ جاتىر. ولار الداعى سەسسيادا كەلىپ تۇسەتىن زاڭ جوبالارىمەن تانىسىپ، جۇمىس ىستەۋدە.
ءيا، سوڭعى جاعدايلار سەنات دەپۋتاتتارىنىڭ اۋدان-اۋىلدارعا جوسپارلاعان جۇمىس-ساپارلارىنا كەدەرگى كەلتىردى. سول سەبەپتى سەناتورلار ەل ارالاۋ جۇمىستارىنان باس تارتتى. الداعى كارانتين رەجيىم الىنىپ، جاعداي قالىپقا كەلگەننەن كەيىن ايماقتارعا جوسپارلاعان جۇمىستاردى مىندەتتى تۇردە جۇزەگە اسىراتىن بولامىز.
بۇگىندە سەناتورلار مەملەكەت باسشىنىسى تاپسىرمالارىنىڭ ايماقتا قالاي جۇزەگە اسىپ جاتقانىن باقىلاۋ جاساۋدا. دەپۋتاتتار دارى-دارمەك تاپشىلىعى مەن مەديسينالىق قۇرىلعىلاردىڭ جەتىسپەي جاتقانىن جاقسى بىلەدى. ءتىپتى، ولار وسى ماسەلەلەردىڭ وڭ شەشىلۋىنە ءوز ۇلەستەرىن قوسىپ تا جاتىر، – دەپتى ماۋلەن اشىمبايەۆ فەيسبۋكتاعى پاراقشاسىندا جازبا قالدرىپتى.
بۇدان كەيىن ماۋلەن اشىمبايەۆ سەناتور مۇحتار باحتيار ۇلى مەن عۇمار دۇيسەنبايەۆ ايماقتارداعى اۋرۋحانالاردى ارالاپ، ءىستىڭ وڭ باعىتتا شەشىلۋىنە ىقپال ەتكەنىن، ءتىپتى، ءوز قاراجاتتارىن دا اياماعانىن العا تارتىپتى.
سونىمەن قاتار سەنتاتتىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى، سەناتور مۇحتار قۇل-مۇحامەدتىڭ دارى-دارمەكتەردى قولدان جاساۋشىلارعا قارسى جازانى قاتاڭداتۋ تۋراسىندا باس پروكۋراتۋراعا حات جازىپ ماسەلە كوتەرىگەنىن دە تىلگە تيەك ەتىپتى. سپيكەر جازباسىنىڭ سوڭىندا سەناتورلار كوروناۆيرۋسپەن كۇرەسكە قارجى بولگەنىن ونىسىن جۇرتقا جاريا ەتپەگەنىن دە تىلگە تيەك ەتىپتى.
