Senat tóraǵasy Máýlen Áshimbaev birpalataly parlament qandai bolatyny jaily pikir bildirdi, dep habarlaidy Dalanews.kz.
Onyń aitýynsha, Memleket basshysy Senattyń jumysyna joǵary baǵa bergen.
«Senatorlardyń qatysýymen óte mańyzdy zańdar qabyldanyp, túzetýler engizildi. Osy turǵyda Senat táýelsiz memleketimizdiń quqyqtyq negizin qalyptastyrýǵa úlken úles qosty. Degenmen, ómir toqtamaidy, saiasi protsess jalǵasýda, al Parlamenttiń damýy eldiń damý úrdisterine sai bolýy tiis», – dedi Áshimbaev.
Senattyń negizgi fýnktsiialary
Áshimbaev Senattyń eń mańyzdy qyzmetterin atap ótti. Onyń aitýynsha, aldaǵy ýaqytta qos palatanyń ókilettikteri biriktiriledi. Sonymen birge depýtattar sany da ózgeredi.
«Bul – jańa Parlament, jańa sapa bolmaq. Búginde Senat mańyzdy fýnktsiialardy atqarady – Prezidenttiń Ulttyq bank tóraǵasyn, Bas prokýrordy, UQK tóraǵasyn taǵaiyndaýyna kelisim beredi, sondai-aq Prezidenttiń usynýymen Joǵarǵy sot tóraǵasy men sýdialaryn sailaidy. Jańa Parlamentte qos palatanyń ókilettikteri biriktiriledi. Budan bólek, jańa Parlamenttegi depýtattar sany da talqylanatyn siiaqty», – dep qorytyndylady Máýlen Áshimbaev.
