سەنات تٶراعاسى مەۋلەن ەشٸمباەۆ بٸرپالاتالى پارلامەنت قانداي بولاتىنى جايلى پٸكٸر بٸلدٸردٸ, دەپ حابارلايدى Dalanews.kz.
ونىڭ ايتۋىنشا, مەملەكەت باسشىسى سەناتتىڭ جۇمىسىنا جوعارى باعا بەرگەن.
«سەناتورلاردىڭ قاتىسۋىمەن ٶتە ماڭىزدى زاڭدار قابىلدانىپ, تٷزەتۋلەر ەنگٸزٸلدٸ. وسى تۇرعىدا سەنات تەۋەلسٸز مەملەكەتٸمٸزدٸڭ قۇقىقتىق نەگٸزٸن قالىپتاستىرۋعا ٷلكەن ٷلەس قوستى. دەگەنمەن, ٶمٸر توقتامايدى, ساياسي پروتسەسس جالعاسۋدا, ال پارلامەنتتٸڭ دامۋى ەلدٸڭ دامۋ ٷردٸستەرٸنە ساي بولۋى تيٸس», – دەدٸ ەشٸمباەۆ.
سەناتتىڭ نەگٸزگٸ فۋنكتسييالارى
ەشٸمباەۆ سەناتتىڭ ەڭ ماڭىزدى قىزمەتتەرٸن اتاپ ٶتتٸ. ونىڭ ايتۋىنشا, الداعى ۋاقىتتا قوس پالاتانىڭ ٶكٸلەتتٸكتەرٸ بٸرٸكتٸرٸلەدٸ. سونىمەن بٸرگە دەپۋتاتتار سانى دا ٶزگەرەدٸ.
«بۇل – جاڭا پارلامەنت, جاڭا ساپا بولماق. بٷگٸندە سەنات ماڭىزدى فۋنكتسييالاردى اتقارادى – پرەزيدەنتتٸڭ ۇلتتىق بانك تٶراعاسىن, باس پروكۋروردى, ۇقك تٶراعاسىن تاعايىنداۋىنا كەلٸسٸم بەرەدٸ, سونداي-اق پرەزيدەنتتٸڭ ۇسىنۋىمەن جوعارعى سوت تٶراعاسى مەن سۋديالارىن سايلايدى. جاڭا پارلامەنتتە قوس پالاتانىڭ ٶكٸلەتتٸكتەرٸ بٸرٸكتٸرٸلەدٸ. بۇدان بٶلەك, جاڭا پارلامەنتتەگٸ دەپۋتاتتار سانى دا تالقىلاناتىن سيياقتى», – دەپ قورىتىندىلادى مەۋلەن ەشٸمباەۆ.
