Senat spikeri Máýlen Áshimbaev Qazaqstan mektepterinde balalarǵa kórsetiletin zorlyq-zombylyq qazirgi qoǵamnyń kúrdeli máseleleriniń biri ekenin atap ótti, dep habarlaidy Dalanews.kz.
Jýrnalister Máýlen Áshimbaevtan Qazaqstan mektepterindegi balalarǵa qatysty zorlyq-zombylyqtyń qazirgi jaǵdaiyna bailanysty pikir bildirýin surady.
“Bul másele óte júieli ári aýqymdy taqyryp... Meniń oiymsha, balalarǵa qatysty zorlyq-zombylyqtyń bul tendentsiiasy jalpy bizdiń qoǵamnyń áleýmettik máselelerin kórsetedi. Máselen, teńsizdikke bailanysty problemalar, keibir otbasylar men balalardyń qarjylyq jaǵdaiynyń tómen bolýy áser etedi”, - dep jaýap berdi senat spikeri.
Áshimbaev máseleniń taǵy bir tusyn sapaly bilim berý júiesiniń joq bolýymen de bailanystyrdy.
“Bul bizde tiimdi tárbie júiesiniń joqtyǵynan týyndap jatyr. Iaǵni, biz protsess barysynda bir nárseni joǵaltyp, jańa eshteńe jasai almai jatyrmyz” - deidi Máýlen Áshimbaev.
Sonymen qatar senat spikeri qazirgi jaǵdaida belgili dárejede bilim berý júiesiniń tiimsizdigin jáne muǵalimder biliktiliginiń jetispeýshiligin alǵa tartty. Osy tusta ol Qazaqstanda balalarǵa qatysty zorlyq-zombylyqty joiý úshin keshendi tásil qajet ekenin jetkizdi.
