سەنات سپيكەرى ماۋلەن اشىمبايەۆ قازاقستان مەكتەپتەرىندە بالالارعا كورسەتىلەتىن زورلىق-زومبىلىق قازىرگى قوعامنىڭ كۇردەلى ماسەلەلەرىنىڭ ءبىرى ەكەنىن اتاپ ءوتتى، دەپ حابارلايدى Dalanews.kz.
جۋرناليستەر ماۋلەن اشىمبايەۆتان قازاقستان مەكتەپتەرىندەگى بالالارعا قاتىستى زورلىق-زومبىلىقتىڭ قازىرگى جاعدايىنا بايلانىستى پىكىر ءبىلدىرۋىن سۇرادى.
“بۇل ماسەلە وتە جۇيەلى ءارى اۋقىمدى تاقىرىپ... مەنىڭ ويىمشا، بالالارعا قاتىستى زورلىق-زومبىلىقتىڭ بۇل تەندەنسياسى جالپى ءبىزدىڭ قوعامنىڭ الەۋمەتتىك ماسەلەلەرىن كورسەتەدى. ماسەلەن، تەڭسىزدىككە بايلانىستى پروبلەمالار، كەيبىر وتباسىلار مەن بالالاردىڭ قارجىلىق جاعدايىنىڭ تومەن بولۋى اسەر ەتەدى”، - دەپ جاۋاپ بەردى سەنات سپيكەرى.
اشىمبايەۆ ماسەلەنىڭ تاعى ءبىر تۇسىن ساپالى ءبىلىم بەرۋ جۇيەسىنىڭ جوق بولۋىمەن دە بايلانىستىردى.
“بۇل بىزدە ءتيىمدى تاربيە جۇيەسىنىڭ جوقتىعىنان تۋىنداپ جاتىر. ياعني، ءبىز پروسەسس بارىسىندا ءبىر نارسەنى جوعالتىپ، جاڭا ەشتەڭە جاساي الماي جاتىرمىز” - دەيدى ماۋلەن اشىمبايەۆ.
سونىمەن قاتار سەنات سپيكەرى قازىرگى جاعدايدا بەلگىلى دارەجەدە ءبىلىم بەرۋ جۇيەسىنىڭ تيىمسىزدىگىن جانە مۇعالىمدەر بىلىكتىلىگىنىڭ جەتىسپەۋشىلىگىن العا تارتتى. وسى تۇستا ول قازاقستاندا بالالارعا قاتىستى زورلىق-زومبىلىقتى جويۋ ءۇشىن كەشەندى ءتاسىل قاجەت ەكەنىن جەتكىزدى.
