Investorlar túrik qurylys kompaniialary Asad rejimi qulaǵan keiingi Siriiany qalpyna keltirý jumystarynda sheshýshi ról atqarady dep sanaidy. Bul týraly Bloomberg basylymy jazdy, dep habarlaidy Dalanews.kz.
"Siriiadaǵy Bashar Asad rejimi qulaǵannan keiin Túrkiiadaǵy qurylys kompaniialary aktsiialarynyń baǵasy kúrt ósti", dep jazady Bloomberg saýda-sattyq derekterine silteme jasap.
Muny Forbes derekteri de rastaidy: tsement óndirýshi Oyak cimento kompaniiasynyń aktsiialary 9,9%, sondai-aq Cimsa jáne Limak Dogu Anadolu Cimento baǵaly qaǵazdary 10%-ǵa ósti. Bolat temir óndirýshi Isdemir kompaniiasynyń baǵaly qaǵazdarynyń usynystary da 10%-ǵa ósken.
Turkcimento tsement ónerkásibi qaýymdastyǵynyń basshysy Fatih Evjelik óz salasynyń Siriiadaǵy jaǵdai turaqtanǵannan keiin qalpyna keltirý jumystaryna at salysady dep sanaitynyn jetkizdi.
2022 jyldyń aiaǵynda Dúniejúzilik bank 2011 jyly soǵys bastalǵannan beri Siriianyń qalalary men ónerkásibine keltirilgen zalal 11,4 milliard dollar bolady dep baǵalady.
Aita ketsek, 8 jeltoqsanda siriialyq kóterilisshiler Asadty bilikten ketirip, el astanasy – Damaskty basyp aldy jáne barlyq tutqyndardy túrmelerden bosatýdy talap etti. Keiin Vladimir Pýtinniń baspasóz hatshysy Dmitrii Peskov Asad pen onyń otbasyna Resei Federatsiiasy saiasi baspana bergenin málimdedi. Reseilik aqparat agenttikteri Kremldegi derekkózderge silteme jasai otyryp, Asad Máskeýge jetip alǵanyn jazdy. Resei SIM Asad qarýly qaqtyǵysqa qatysýshylarmen kelissózderden keiin Siriia prezidenti qyzmetinen ketýge sheshim qabyldady dep málimdedi.
