Shymkentte arzan kólik satamyn dep jurtty aldaǵan alaiaq Túrkiiada ustaldy, dep habarlaidy Dalanews.kz.
Ol 2023 jyly Shymkent qalasynda basqa adamdarmen aldyn ala sóz bailasyp, internette naryqtaǵy baǵadan tómen baǵamen kólik satylady degen jalǵan habarlandyrýlar jariialaǵan.
Zańsyz áreketterdiń saldarynan 52 jábirlenýshi jalpy somasy 70 mln teńgeden asa qarajatynan aiyryldy.
"Qylmys jasaǵannan keiin kúdikti jasyrynǵanyna bailanysty oǵan halyqaralyq izdeý jariialanyp, biyl tamyzda Túrkiia aýmaǵynda ustaldy", - dep jazylǵan prokýratýra habarlamasynda.
Qazirgi ýaqytta kúdikti tergeý izoliatoryna qamaldy. Onyń múlki tárkilenip, úsh jyldan jeti jylǵa deiin bas bostandyǵynan aiyrylýy múmkin.
