Túrkistan oblysynyń Arys qalasynda mas kúiinde kólik júrgizip, úsh adamnyń ólimine sebep bolǵan muǵalimge sot úkimi shyqty, dep habarlaidy dalanews.kz.
Oqiǵa 6 maýsym kúni bolǵan. Tergeý materialdaryna sáikes, 52 jastaǵy muǵalim alkogoldik masań kúide jol talǵamaityn kólikpen kele jatyp, qorshaýdy buzyp ótip, oryndyqta otyrǵan adamdardy qaǵyp ketken.
Jol-kólik oqiǵasy saldarynan balabaqsha tárbieshisi bolyp jumys istegen júkti áiel, onyń eki jasar uly jáne bes jasar qyz bala qaza tapty.
Sot áieldi kináli dep tanyp, ony 9 jylǵa bas bostandyǵynan aiyrý jazasyna kesti. Sonymen qatar oǵan ómir boiyna kólik quraldaryn basqarý quqyǵynan aiyryldy. Sottalýshy óz kinásin tolyq moiyndap, jasaǵan isine ókinetinin aitqan.
Alaida sot onyń múgedektigi bar kámeletke tolmaǵan qyz tárbielep otyrǵanyn eskerip, taǵaiyndalǵan jazanyń oryndalýyn bir jylǵa keiinge qaldyrdy. Qaza tapqandardyń týystary sot úkimin tym jeńil dep sanaitynyn málimdedi.
