Aty-jónin jasyrǵan jergilikti jýrnalist Azattyqtyń ózbek qyzmetine jinalys kezinde úkimet basshysy men halyqaralyq press-klýb jetekshileri arasynda kikiljiń týyndaǵanyn aitady.
– Premer-ministr Abdýlla Aripov Halyqaralyq press-klýb jetekshisi Sherzoda Kýdrathadjaevqa qarap «Sen, jigit, sezimniń shegin umyttyń! Sen ózińdi kim dep sanaisyń?» dedi. Premer-ministrdiń sózine ashýlanǵan Kýdrathadjaev «Meni qyzmetińizben qorqytpańyz, sizdiń maǵan Sen dep aiqailaýǵa quqyǵyńyz joq» dedi. Ekeýi sóz talastyryp qaldy. Premer-ministr Sherzodaǵa «Eger seniń artyńnan tebetin bolsam, burynǵy muǵalimdik qyzmetińe qaita oralasyń» dep balaǵattady, – deidi jergilikti jýrnalist.
Osydan keiin premer-ministr Ulttyq teleradiokompaniia basshysy Babýr Alihanovqa sógis jariialap, telearnaǵa kadrlyq ózgerister jasaýyn talap etken.
