ءاتى-جونىن جاسىرعان جەرگىلىكتى جۋرناليست ازاتتىقتىڭ وزبەك قىزمەتىنە جينالىس كەزىندە ۇكىمەت باسشىسى مەن حالىقارالىق پرەسس-كلۋب جەتەكشىلەرى اراسىندا كيكىلجىڭ تۋىنداعانىن ايتادى.
– پرەمەر-مينيستر ابدۋللا اريپوۆ حالىقارالىق پرەسس-كلۋب جەتەكشىسى شەرزودا كۋدراتحادجايەۆقا قاراپ «سەن، جىگىت، سەزىمنىڭ شەگىن ۇمىتتىڭ! سەن ءوزىڭدى كىم دەپ سانايسىڭ؟» دەدى. پرەمەر-مينيستردىڭ سوزىنە اشۋلانعان كۋدراتحادجايەۆ «مەنى قىزمەتىڭىزبەن قورقىتپاڭىز، ءسىزدىڭ ماعان سەن دەپ ايقايلاۋعا قۇقىعىڭىز جوق» دەدى. ەكەۋى ءسوز تالاستىرىپ قالدى. پرەمەر-مينيستر شەرزوداعا «ەگەر سەنىڭ ارتىڭنان تەبەتىن بولسام، بۇرىنعى مۇعالىمدىك قىزمەتىڭە قايتا ورالاسىڭ» دەپ بالاعاتتادى، – دەيدى جەرگىلىكتى جۋرناليست.
وسىدان كەيىن پرەمەر-مينيستر ۇلتتىق تەلەراديوكومپانيا باسشىسى بابۋر اليحانوۆقا سوگىس جاريالاپ، تەلەارناعا كادرلىق وزگەرىستەر جاساۋىن تالاپ ەتكەن.
