Qyrǵyzstanda arnaıy qyzmetter uıymdasqan qylmysqa qarsy operasıa barysynda iri qarý-jaraq qoımasyn anyqtady, dep habarlaıdy Dala News.
Memlekettik ulttyq qaýipsizdik komıtetiniń málimetinshe, tabylǵan arsenal zańsyz áreketterge, sonyń ishinde asa aýyr qylmystarǵa daıyndyq úshin saqtalǵan bolýy múmkin.
Tintý barysynda jasyryn qoımadan: eki kesilgen myltyq, eki mına, bir qoldan jasalǵan jarylǵysh qurylǵy, granata, trotıl, pyshaqtar, tutatqyshtar jáne túrli kalıbrli oq-dáriler tárkilengen.
Quzyrly organ mundaı qarý qory qoǵamdyq-saıası jaǵdaıdy turaqsyzdandyrý maqsatynda paıdalanylýy múmkin bolǵanyn joqqa shyǵarmaıdy.
Barlyq tabylǵan zattar sot-ballıstıkalyq saraptamaǵa jiberilgen. Qazirgi ýaqytta bul arsenaldyń buryn jasalǵan qylmystarǵa qatysy bar-joǵy tekserilip jatyr.
Aıta keteıik, bul is buǵan deıin joıylǵan krımınaldyq avtorıtet Kamchy Kolbaevtyń yqpalyna baılanysty toptardy anyqtaý aıasynda júrgizilip jatyr. Quqyq qorǵaý organdary onyń baılanystary men yqtımal qylmystyq jelilerin áli de tekserýde.
