قىرعىزستاندا ارنايى قىزمەتتەر ۇيىمداسقان قىلمىسقا قارسى وپەراسيا بارىسىندا ءىرى قارۋ-جاراق قويماسىن انىقتادى، دەپ حابارلايدى Dala News.
مەملەكەتتىك ۇلتتىق قاۋىپسىزدىك كوميتەتىنىڭ مالىمەتىنشە، تابىلعان ارسەنال زاڭسىز ارەكەتتەرگە، سونىڭ ىشىندە اسا اۋىر قىلمىستارعا دايىندىق ءۇشىن ساقتالعان بولۋى مۇمكىن.
ءتىنتۋ بارىسىندا جاسىرىن قويمادان: ەكى كەسىلگەن مىلتىق، ەكى مينا، ءبىر قولدان جاسالعان جارىلعىش قۇرىلعى، گراناتا، تروتيل، پىشاقتار، تۇتاتقىشتار جانە ءتۇرلى كاليبرلى وق-دارىلەر تاركىلەنگەن.
قۇزىرلى ورگان مۇنداي قارۋ قورى قوعامدىق-ساياسي جاعدايدى تۇراقسىزداندىرۋ ماقساتىندا پايدالانىلۋى مۇمكىن بولعانىن جوققا شىعارمايدى.
بارلىق تابىلعان زاتتار سوت-بالليستيكالىق ساراپتاماعا جىبەرىلگەن. قازىرگى ۋاقىتتا بۇل ارسەنالدىڭ بۇرىن جاسالعان قىلمىستارعا قاتىسى بار-جوعى تەكسەرىلىپ جاتىر.
ايتا كەتەيىك، بۇل ءىس بۇعان دەيىن جويىلعان كريمينالدىق اۆتوريتەت كامچى كولبايەۆتىڭ ىقپالىنا بايلانىستى توپتاردى انىقتاۋ اياسىندا جۇرگىزىلىپ جاتىر. قۇقىق قورعاۋ ورگاندارى ونىڭ بايلانىستارى مەن ىقتيمال قىلمىستىق جەلىلەرىن ءالى دە تەكسەرۋدە.
