Qazaqstandyq Qazaqstan Steel Group atynan kásipker Andrei Lavrentev Qazaqstan Respýblikasynyń Ónerkásip jáne qurylys ministrligimen ArcelorMittalTemirtau aktivterin satyp alý týraly kelisimge qol jetkizdi.
Kelisim sharttary boiynsha QSG AMT aktivteri 286 mln AQSh dollaryna satyp alyndy, sondai-aq jyl saiynǵy 4 ret teń jarnamen tólenetin 450 mln dollar mólsherindegi qarajat kepildi túrde keiinge qaldyrylǵan tólemderdi júzege asyrady. Sonymen qatar, kelisim jabylǵan kezde taǵy AMT-nyń ótelmegen topishilik qaryzyn tóleý retinde 250 million dollar tólenedi.
Sol siiaqty keiinnen 3 mlrd dollardan astam qarjyny investitsiialaý boiynsha mindettemelerdi ózine alady, onyń ishinde 1,3 mlrd-y kelesi jyly investitsiialanatyn bolady.
Ulttyq investor qysqa merzim ishinde kelesi mindettemelerdi óz jaýapkershiligine alyp otyr:
- Jumys barysyndaǵy ujymdyq kelisimshart pen kásiporyn jumysshylarynyń eńbekaqysyn tóleý júiesiniń saqtalýyn;
- Óndiris ornynyń qaýipsizdigin jáne ekologiialyq ahýalyn odan ári jaqsartý;
- Óndiristi jańǵyrtý jáne qaita uiymdastyrý;
- Shyǵarylatyn ónim kólemin, nomenklatýrasyn jáne túrlerin ulǵaitý.
Kompaniia kásiporynnyń qyzmetine taldaý júrgizgennen keiin naqty málimetterdi investordyń resmi ókilderi arqyly beretinin habarlaidy.
Aita keteiik, bul týraly búgin Ónerkásip jáne qurylys ministri Qanat Sharlapaev ta Astanada brifing ótkizip «Jańa investor boiynsha, bul – Allur kompaniialar toby, Andrei Sergeevich LAVRENTEV. Olar zaýytqa ielik etý quqyǵyna aldaǵy bir-eki kúnde kirisedi», – dep málimdedi. Andrei Lavrentev – Allur kompaniialar toby direktorlar keńesiniń tóraǵasy. Onyń kompaniialar tobyna «Agromashholding» jáne «SaryarqaAvtoProm» JShS kiredi.
