QMA Qaraǵandy oblysy boıynsha departamenti prokýratýranyń úılestirýimen iri kólemdegi esirtki zattaryn zańsyz tasymaldaý dereginiń jolyn kesti, dep habarlaıdy Dalanews.kz.
Arnaıy operasıa barysynda Taıland koróldiginen esirtki arnasyn uıymdastyrǵan adam áshkerelendi
"Qylmystyq áreketin jasyrý maqsatynda kúdikti óziniń tanysy – kámeletke tolmaǵan jasóspirimdi "drop" retinde paıdalanyp, esirtki salynǵan sálemdemeni "Qazposhta" AQ arqyly onyń atyna rásimdegen. Jeke tintý kezinde odan 1,3 keli esirtki – kannabıs WAX tárkilendi", - dep jazylǵan habarlamada.
Tergeý barysynda kúdikti Qaraǵandy qalasynda Telegram messendjeri arqyly "jertóle" ádisimen esirtki taratqany da anyqtaldy.
Kúdikti eki aı merzimge qamaýǵa alyndy. Tergeý jalǵasyp jatyr.
