قما قاراعاندى وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن ءىرى كولەمدەگى ەسىرتكى زاتتارىن زاڭسىز تاسىمالداۋ دەرەگىنىڭ جولىن كەستى، دەپ حابارلايدى Dalanews.kz.
ارنايى وپەراسيا بارىسىندا تايلاند كورولدىگىنەن ەسىرتكى ارناسىن ۇيىمداستىرعان ادام اشكەرەلەندى
"قىلمىستىق ارەكەتىن جاسىرۋ ماقساتىندا كۇدىكتى ءوزىنىڭ تانىسى – كامەلەتكە تولماعان ءجاسوسپىرىمدى "دروپ" رەتىندە پايدالانىپ، ەسىرتكى سالىنعان سالەمدەمەنى "قازپوشتا" اق ارقىلى ونىڭ اتىنا راسىمدەگەن. جەكە ءتىنتۋ كەزىندە ودان 1،3 كەلى ەسىرتكى – كاننابيس WAX تاركىلەندى"، - دەپ جازىلعان حابارلامادا.
تەرگەۋ بارىسىندا كۇدىكتى قاراعاندى قالاسىندا Telegram مەسسەندجەرى ارقىلى "جەرتولە" ادىسىمەن ەسىرتكى تاراتقانى دا انىقتالدى.
كۇدىكتى ەكى اي مەرزىمگە قاماۋعا الىندى. تەرگەۋ جالعاسىپ جاتىر.
