Armeniiada burynǵy prezident Serj Sargsiannyń soty bastaldy. Bul týraly "Armeniia jańalyqtary" basylymy habarlady.
Burynǵy prezidentke qarsy qylmystyq is aýyl sharýashylyǵy baǵdarlamasyna sáikes bólingen qarjyny urlaýǵa bailanysty qozǵalǵan. Sargsiannan basqa bul is boiynsha tórt adam jaýapqa tartylyp jatyr. Olardyń arasynda aýyl sharýashylyǵy ministri Sergo Karapetian da bar.
Seisenbi kúni Erevandaǵy Avan jáne Nor Nork aýdandyq sottarynda protsedýralyq máseleler talqylandy.
Serj Sargsian ózine taǵylǵan aiyptardy moiyndamaidy. Ol bul istiń saiasi astary bar dep biledi.
Armeniiada eki merzim qatarynan prezident bolǵan Sargsian 2018 jyly otstavkaǵa ketti. Onyń premer-ministr qyzmetinde qalý áreketi halyq narazylyǵyn týǵyzyp, sońynda úkimet basyna burynǵy jýrnalist Nikol Pashinian sailanǵan.
2019 jyly jeltoqsanda Sargsian korrýptsiialyq shema qurdy dep aiyptalyp, Armeniiadan shyǵýyna tyiym salynǵan. 65 jastaǵy eks-prezident kináli dep tanylsa, segiz jylǵa deiin bas bostandyǵynan aiyrylýy múmkin.
