ارمەنييادا بۇرىنعى پرەزيدەنت سەرج سارگسياننىڭ سوتى باستالدى. بۇل تۋرالى "ارمەنييا جاڭالىقتارى" باسىلىمى حابارلادى.
بۇرىنعى پرەزيدەنتكە قارسى قىلمىستىق ٸس اۋىل شارۋاشىلىعى باعدارلاماسىنا سەيكەس بٶلٸنگەن قارجىنى ۇرلاۋعا بايلانىستى قوزعالعان. سارگسياننان باسقا بۇل ٸس بويىنشا تٶرت ادام جاۋاپقا تارتىلىپ جاتىر. ولاردىڭ اراسىندا اۋىل شارۋاشىلىعى مينيسترٸ سەرگو كاراپەتيان دا بار.
سەيسەنبٸ كٷنٸ ەرەۆانداعى اۆان جەنە نور نورك اۋداندىق سوتتارىندا پروتسەدۋرالىق مەسەلەلەر تالقىلاندى.
سەرج سارگسيان ٶزٸنە تاعىلعان ايىپتاردى مويىندامايدى. ول بۇل ٸستٸڭ ساياسي استارى بار دەپ بٸلەدٸ.
ارمەنييادا ەكٸ مەرزٸم قاتارىنان پرەزيدەنت بولعان سارگسيان 2018 جىلى وتستاۆكاعا كەتتٸ. ونىڭ پرەمەر-مينيستر قىزمەتٸندە قالۋ ەرەكەتٸ حالىق نارازىلىعىن تۋعىزىپ, سوڭىندا ٷكٸمەت باسىنا بۇرىنعى جۋرناليست نيكول پاشينيان سايلانعان.
2019 جىلى جەلتوقساندا سارگسيان كوررۋپتسييالىق سحەما قۇردى دەپ ايىپتالىپ, ارمەنييادان شىعۋىنا تىيىم سالىنعان. 65 جاستاعى ەكس-پرەزيدەنت كٸنەلٸ دەپ تانىلسا, سەگٸز جىلعا دەيٸن باس بوستاندىعىنان ايىرىلۋى مٷمكٸن.
