Armeniiada narazylyq aktsiialary jalǵasýda
Osylaisha bul elde ereýilder 11 kún qatarynan júrip jatyr. Erevanda tańerteń stýdentter qala ortalyǵynda ereýil bastady. Armeniia astanasyndaǵy basty kóshelerde qozǵalys toqtady. Eldegi úshinshi iri qala sanalatyn Vanadzorda jergilikti "Gloriia" tigin fabrikasynyń jumysshylary ereýildep jatyr.
Ereýildegiler oppozitsiia jetekshisinsiz qaldy: 21 sáýirde Armen Grigorian men David Sanasariandy, 22 sáýirde – "Azamattyq kelisim" oppozitsiialyq partiiasynyń jáne "Elk" parlamenttik fraktsiiasynyń basshysy Nikol Pashiniandy, sonymen birge depýtattar Sasýn Mikaelian men Ararat Mirzoiandy ustady.
Sargsiannyń premerlikke taǵaiyndalýyna qarsy aktsiialar 13 sáýirde bastalǵan. 17 sáýirde parlament eks-prezident Sargsiandy premer-ministr qyzmetine taǵaiyndady, odan soń Nikol Pashinian "barqyt revoliýtsiiasy" bastalǵanyn jariialady. Oppozitsiialyq saiasatker jáne onyń jaqtastary beibitshilik ereýilder arqyly bilikti ózgertkisi keledi.
Jeksenbi kúni Pashinin men Sargsiannyń kelissózi ótti, bar bolǵany úsh minýtqa sozylǵan kezdesý nátijesiz aiaqtaldy.
