وسىلايشا بۇل ەلدە ەرەۋىلدەر 11 كۇن قاتارىنان ءجۇرىپ جاتىر. ەريەۆاندا تاڭەرتەڭ ستۋدەنتتەر قالا ورتالىعىندا ەرەۋىل باستادى. ارمەنيا استاناسىنداعى باستى كوشەلەردە قوزعالىس توقتادى. ەلدەگى ءۇشىنشى ءىرى قالا سانالاتىن ۆانادزوردا جەرگىلىكتى "گلوريا" تىگىن فابريكاسىنىڭ جۇمىسشىلارى ەرەۋىلدەپ جاتىر.
ەرەۋىلدەگىلەر وپپوزيسيا جەتەكشىسىنسىز قالدى: 21 ساۋىردە ارمەن گريگوريان مەن داۆيد ساناسارياندى، 22 ساۋىردە – "ازاماتتىق كەلىسىم" وپپوزيسيالىق پارتياسىنىڭ جانە "ەلك" پارلامەنتتىك فراكسياسىنىڭ باسشىسى نيكول پاشينياندى، سونىمەن بىرگە دەپۋتاتتار ساسۋن ميكاەليان مەن ارارات ميرزوياندى ۇستادى.
سارگسياننىڭ پرەمەرلىككە تاعايىندالۋىنا قارسى اكسيالار 13 ساۋىردە باستالعان. 17 ساۋىردە پارلامەنت ەكس-پرەزيدەنت سارگسياندى پرەمەر-مينيستر قىزمەتىنە تاعايىندادى، ودان سوڭ نيكول پاشينيان "بارقىت ريەۆوليۋسياسى" باستالعانىن جاريالادى. وپپوزيسيالىق ساياساتكەر جانە ونىڭ جاقتاستارى بەيبىتشىلىك ەرەۋىلدەر ارقىلى بيلىكتى وزگەرتكىسى كەلەدى.
جەكسەنبى كۇنى پاشينين مەن سارگسياننىڭ كەلىسسوزى ءوتتى، بار بولعانى ءۇش مينۋتقا سوزىلعان كەزدەسۋ ناتيجەسىز اياقتالدى.
