Elbasy N.Á.Nazarbaev «Bolashaqqa baǵdar: Rýhanı jańǵyrý» atty baǵdarlamalyq maqalasynda: «Týǵan jerge, onyń mádenıeti men salt-dástúrlerine aıryqsha ińkárlikpen atsalysý – shynaıy patrıotızmniń mańyzdy kórinisteriniń biri» dep atap ótken bolatyn.
Osy oraıda, Ońtústik Qazaqstan oblystyq ishki saıasat basqarmasynyń tapsyrysy boıynsha «Dos Demeý» qoǵamdyq birlestiginiń uıymdastyrýymen Arys qalasynda «Alash» qozǵalysyna 100 jyl tolýyna oraı A.Baıtursynov, M.Dýlatov, M.Jumabaev, S.Toraıǵyrov, M.Áýezov, J.Aımaýytov, S.Seıfýllın shyǵarmalaryn oqyp-bilý, olardy keıingi býyn urpaqqa nasıhattaý maqsatynda «Azattyqty ańsaǵan-arystarym ardaqty» taqyrybynda oblystyq shyǵarmashylyq baıqaýǵa irikteý ótti.
Baıqaýdyń maqsaty – «Bolashaqqa baǵdar: Rýhanı jańǵyrý» atty baǵdarlamalyq maqalasy aıasynda «Alash» qozǵalysy músheleriniń shyǵarmashylyq murasyn nasıhattaý, jas urpaqty otansúıgishtikke, eline, jerine qurmet kórsetýge tárbıeleý bolyp tabylady.
Kitap súıer 118 oqyrman qatysqan saıysta, ádilqazylardyń sheshimimen İ-oryndy Abaı mektep-ınternatynyń oqýshysy Ábdirash Gúlnaz, İİ-oryndy Á.Jangeldın mektebiniń oqýshysy Qalybaı Saltanat, İİİ-oryndy J.Táshenov mektebiniń oqýshysy Sultan Orazkúl ıelenip, qarjylaı syılyqtarmen marapattaldy.
Jeńimpaz ıeleri qazan aıynyń ekinshi on kúndiginde ótetin oblystyq deńgeıde ótetin baıqaýǵ ajoldama aldy.
