ەلباسى ن.ءا.نازاربايەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «تۋعان جەرگە، ونىڭ مادەنيەتى مەن سالت-داستۇرلەرىنە ايرىقشا ىڭكارلىكپەن اتسالىسۋ – شىنايى ءپاتريوتيزمنىڭ ماڭىزدى كورىنىستەرىنىڭ ءبىرى» دەپ اتاپ وتكەن بولاتىن.
وسى ورايدا، وڭتۇستىك قازاقستان وبلىستىق ىشكى ساياسات باسقارماسىنىڭ تاپسىرىسى بويىنشا «دوس دەمەۋ» قوعامدىق بىرلەستىگىنىڭ ۇيىمداستىرۋىمەن ارىس قالاسىندا «الاش» قوزعالىسىنا 100 جىل تولۋىنا وراي ا.بايتۇرسىنوۆ، م.دۋلاتوۆ، م.جۇمابايەۆ، س.تورايعىروۆ، م.اۋەزوۆ، ج.ايماۋىتوۆ، س.سەيفۋللين شىعارمالارىن ءوقىپ-بىلۋ، ولاردى كەيىنگى بۋىن ۇرپاققا ناسيحاتتاۋ ماقساتىندا «ازاتتىقتى اڭساعان-ارىستارىم ارداقتى» تاقىرىبىندا وبلىستىق شىعارماشىلىق بايقاۋعا ىرىكتەۋ ءوتتى.
بايقاۋدىڭ ماقساتى – «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا «الاش» قوزعالىسى مۇشەلەرىنىڭ شىعارماشىلىق مۇراسىن ناسيحاتتاۋ، جاس ۇرپاقتى وتانسۇيگىشتىككە، ەلىنە، جەرىنە قۇرمەت كورسەتۋگە تاربيەلەۋ بولىپ تابىلادى.
كىتاپ سۇيەر 118 وقىرمان قاتىسقان سايىستا، ءادىلقازىلاردىڭ شەشىمىمەن ءى-ورىندى اباي مەكتەپ-ينتەرناتىنىڭ وقۋشىسى ءابدىراش گۇلناز، ءىى-ورىندى ءا.جانگەلدين مەكتەبىنىڭ وقۋشىسى قالىباي سالتانات، ءىىى-ورىندى ج.تاشەنوۆ مەكتەبىنىڭ وقۋشىسى سۇلتان ورازكۇل يەلەنىپ، قارجىلاي سىيلىقتارمەن ماراپاتتالدى.
جەڭىمپاز يەلەرى قازان ايىنىڭ ەكىنشى ون كۇندىگىندە وتەتىن وبلىستىق دەڭگەيدە وتەتىن بايقاۋع اجولداما الدى.
