2023 jyldyń 20 maýsymynda Baiqońyr aýdanynyń №2 sotynda Arystanbek Muhamediuly, Azamat Kóshenov, Almaz Nurashan jáne Aiym Sadýaqasovaǵa sot úkimi shyǵyp, eks-ministr 8 jylǵa bas bostandyǵynan aiyrylǵan edi.
14 qyrkúiekte ótken apelliatsiialyq sot otyrysynda Muhamediulynyń advokaty Áigerim Ánýarbek birinshi satydaǵy sottyń negizsiz úkim shyǵarǵanyn málimdedi.
«...221 mln 411 myń 230 teńgege azamattyq talap aryz bar. Biz bul tarap aryzben kelispeimiz. Birinshi satydaǵy sot shyǵyn kólemi negizsiz belgilengen.
Sot 211 mlnnan 155 mln teńgeni shyǵyn dep eseptedi. Sotqa deiingi tergeý barysynda Muhamediulynyń áieli Ǵaliia Ysqaqova kelgen shyǵyn ishinara óteldi – 111 mln teńge ótedi. Biraq sottyń bul sommany qylmystyq is boiynsha shyǵyn retinde qarastyrylady dep sheshkeni bizge túsiniksiz. 111 mln teńgeni Ysqaqova kúieýi Arystanbek Muhamediulynyń jazasyn jeńildetý úshin tóledi.
Shyǵyn kólemi – 155 mln teńge. Bul somany sot 4 aiyptalýshy arasynda teń bólýi kerek edi. Bul somany 4-ke bólsek, ár adam 38 mln teńgeden óteýi kerek . Sot Muhamediuly men áieliniń ruqsatyn almastan 155 mln teńgeden 111 mln teńgeni alyp, basqa da sottalýshylardyń ornyna shyǵyndy ótetip otyr. Sot barysynda bul týraly áńgime bolǵan emes. Sot Ysqaqovanyń qarajatyn negizsiz jumsaǵan», - dedi advokat Ánýarbek.
Aitýynsha, sot 43 mln teńgeni tórt adamǵa bólgenin aitady. Mundai jaǵdaida Arystanbek Muhamediuly taǵy da mlndaǵan qarajat tóleýge mindetti bolady.
Sot 155 mln teńgeni sottalýshylar arasynda teń bólýi kerek edi. Zań boiynsha qalǵan aqsha Muhamediulynyń áieli Ysqaqovaǵa qaitarylýǵa tiis, – dedi advokat.
Advokat Arystanbek Muhamediulynyń bul jaǵdaiǵa bailanysty áli ótinishhat joldamaǵanyn aitty.
Muhamediuly kinásin moiyndap, ol somany shyǵyndy óteýge qoldanýǵa bolatyny týraly ótinishhat joldasa, mundai jaǵdaida onyń jazasyn jeńildetýdi suraimyz. Sebebi ol shyǵyndy teńdei bólgende óz bóligin tóledi jáne basqalardyń ornyna da tólep otyr. Eger Muhamediuly kinásin moiyndamai, eshqandai ótinishhat jazbaityn bolsa, onda qalǵan 72 mln teńgeni Ysqaqovaǵa qaitarýdy suraimyz, – dedi Áigerim Ánýarbek.
Isti sot alqasynyń tóraǵasy sýdia Murat Soltybaev, sýdialar Aibek Ámirǵaliev pen Almat Esimova qarap jatyr.
