Arystanbek Muhamedıuly Feısbýkte paraqshasyn ashty

Dalanews 27 qar. 2016 02:22 516

Feısbýk áleýmettik jelisinde QR Mádenıet jáne sport mınıstri Arystanbek Muhamedıuly jeke paraqshasyn ashty.

«Qadirli dostar! Men mádenıet pen sportqa qatysty naqty aqparattardy bólisýge, sondaı-aq, osy saladaǵy barlyq mańyzdy máselelerdi talqylaý úshin Facebook áleýmettik jelisinde paraqsha ashýdy jón kórdim. Sonymen qatar, osy paraqsha arqyly jas rejıserlermen, sýretshilermen, ártistermen, ánshilermen jáne de kóptegen daryndy tulǵalarmen tildesýge ári baılanys ornatýǵa daıynmyn. Sebebi bizdiń qasıetti jerimiz talantty jandarǵa kende emes. Ózimniń dostaryma sapaly «keri baılanys» pen qoldaý bildirgenderi úshin zor alǵysymdy bildiremin. Barlyq oı-pikirlerdi jeke ózim oqýǵa jáne múmkindigiynshe jaýap berýge tyrysamyn», – dep jazdy mınıstr alǵashqy jazbasyn.

Ol osy múmkindikti paıdalana otyryp, 27 qarashada «Kerýen» SSO-da saǵat 11-00-de balalar úıleri men SOS balalar aýylynyń tárbıelenýshileri úshin Qazaq handyǵynyń negizin qalaǵan Kereı men Jánibekteı handardyń róli týraly baıandaıtyn «Qazaq eli» anımasıalyq fılminiń kórsetilimi uıymdastyrylǵanyn habarlady. «Otandyq fılm bizdiń balalarymyzdyń kóńilderinen shyǵady ári osyndaı týyndylar arqyly olardy qýantyp qana qoımaı, óskeleń urpaqtyń boıyna Otanǵa degen súıispenshilikti sińiremiz degen oıdamyn», dep jazdy Arystanbek Muhamedıuly.

 

Derekkózi: inform.kz

Usynylǵan
Sońǵy jańalyqtar