«ءقادىرلى دوستار! مەن مادەنيەت پەن سپورتقا قاتىستى ناقتى اقپاراتتاردى بولىسۋگە، سونداي-اق، وسى سالاداعى بارلىق ماڭىزدى ماسەلەلەردى تالقىلاۋ ءۇشىن Facebook الەۋمەتتىك جەلىسىندە پاراقشا اشۋدى ءجون كوردىم. سونىمەن قاتار، وسى پاراقشا ارقىلى جاس رەجيسسەرلەرمەن، سۋرەتشىلەرمەن، ارتىستەرمەن، انشىلەرمەن جانە دە كوپتەگەن دارىندى تۇلعالارمەن تىلدەسۋگە ءارى بايلانىس ورناتۋعا دايىنمىن. سەبەبى ءبىزدىڭ قاسيەتتى جەرىمىز تالانتتى جاندارعا كەندە ەمەس. ءوزىمنىڭ دوستارىما ساپالى «كەرى بايلانىس» پەن قولداۋ بىلدىرگەندەرى ءۇشىن زور العىسىمدى بىلدىرەمىن. بارلىق وي-پىكىرلەردى جەكە ءوزىم وقۋعا جانە مۇمكىندىگىyنشە جاۋاپ بەرۋگە تىرىسامىن»، – دەپ جازدى مينيستر العاشقى جازباسىن.
ول وسى مۇمكىندىكتى پايدالانا وتىرىپ، 27 قاراشادا «كەرۋەن» سسو-دا ساعات 11-00-دە بالالار ۇيلەرى مەن SOS بالالار اۋىلىنىڭ تاربيەلەنۋشىلەرى ءۇشىن قازاق حاندىعىنىڭ نەگىزىن قالاعان كەرەي مەن جانىبەكتەي حانداردىڭ ءرولى تۋرالى باياندايتىن «قازاق ەلى» انيماسيالىق ءفيلمىنىڭ كورسەتىلىمى ۇيىمداستىرىلعانىن حابارلادى. «وتاندىق فيلم ءبىزدىڭ بالالارىمىزدىڭ كوڭىلدەرىنەن شىعادى ءارى وسىنداي تۋىندىلار ارقىلى ولاردى قۋانتىپ قانا قويماي، وسكەلەڭ ۇرپاقتىڭ بويىنا وتانعا دەگەن سۇيىسپەنشىلىكتى سىڭىرەمىز دەگەن ويدامىن»، دەپ جازدى ارىستانبەك مۇحامەدي ۇلى.
دەرەككوزى: inform.kz
