Halyqaralyq balalardy qorǵaý kúnine orai Arys qalasyndaǵy T.Tájibaev atyndaǵy otbasy úlgisindegi balalar aýylynda erekshe merekelik is-shara ótti. Bul igi shara «AMANAT» partiiasynyń «Baqytty otbasy» jobasy aiasynda uiymdastyrylyp, balalarǵa qýanysh pen shattyq syilady, - dep habarlaidy Dalanews.kz
Merekelik sharada «AMANAT» partiiasy Túrkistan oblystyq filialy atqarýshy hatshysynyń orynbasary, oblystyq máslihat depýtaty Qalyima Jantóreeva men Arys qalalyq partiia filialynyń tóraǵasy Baqtyǵali Dildábekov balalardy aitýly kúnmen shyn júrekten quttyqtap, olardyń qýanyshyna ortaqtasty. Shara aiasynda olar tárbielenýshiler daiyndaǵan kontserttik baǵdarlamany tamashalap, búldirshinderdiń ónerine rizashylyq bildirdi.
Merekelik kóńil-kúi syilaýǵa kelgen partiia ókilderi balalarǵa tosynsyi jasady. Odan bólek, partiia janyndaǵy «Áielder qanatynyń» oblystaǵy jetekshisi Qalyima Jantóreeva mektep bitirýshilerge óz qolymen órnek salyp tigip, bitirý keshine arnalǵan «Boijetken» toptamasyn tabystady. Sándi kóilekter men saltanatty kiim toptamalaryn alǵan balalar úlken qýanyshqa bólendi. Amanattyqtar ázirlegen syilyqtar jas tolqynnyń kóńilinen shyǵyp, olar shattyqqa keneldi. Balalar qamqorlyq kórsetken azamattarǵa shynaiy rizashylyqtaryn bildirip, ózderiniń shyǵarmashylyq ónerlerin kórsetti.
Is-shara barysynda partiia ókilderi balalar aýylyn aralap, tárbielenýshilerdiń turmysymen, shyǵarmashylyq eńbekterimen tanysty. Balalar óz qoldarymen jasaǵan qolóner buiymdaryn, sýretterin, túrli jetistikterin kórsetti.
Aita keteiik, T.Tájibaev atyndaǵy otbasy úlgisindegi balalar aýylynda qazirgi tańda 7 otbasy bar, onda 61 bala tárbielenýde. Ár otbasy otandyq rýhani qundylyqtarǵa negizdelgen, ata-analyq qamqorlyqpen qurylǵan ortada ósip keledi. Bul mekeme balalarǵa tek baspana ǵana emes, meiirim men mahabbatqa toly otbasylyq ahýaldy syilaidy.
«AMANAT» partiiasynyń bastamasymen ótip jatqan «Baqytty otbasy» jobasy aiasyndaǵy bul is-shara – bala quqyǵyn qorǵaý men olardyń baqytty ómir súrýine úles qosýǵa baǵyttalǵan naqty qadamdardyń biri.
