Arysta «Nurly jer» baǵdarlamasymen kópqabatty 3 turǵyn úi salynýda
Onyń aitýynsha, osy baǵdarlama aiasynda qaladaǵy Kóktem-2 turǵyn aýdanynda 3 qabatty 36 páterli 3 turǵyn úidiń qurylysy bastalǵan. Sonymen qatar biyl 3 jáne 5 kópqabatty bes turǵyn úidiń jobalyq-smetalyq qujattamalary ázirlenip jatyr. Al búginde Arys qalasynda 1 myń otbasy turǵyn úige kezeginde tursa, turǵyn úi salý úshin jer telimin alýǵa 1 655 azamat kezekke tirkelgen eken.
«Nurly jer» baǵdarlamasy aiasynda Arys qalasyndaǵy Otyrar, Naýryz, Ońtústik turǵyn aýdandarynyń infraqurylym qurylys jumystary júrgizilýde. Nysandy aǵymdaǵy jyldyń qarasha aiynda paidalanýǵa berý josparlanýda. Osynyń nátijesinde 3 394 jer telimine infraqurylym tartylyp, 11 182 adam, iaǵni qala turǵyndarynyń 15 paiyzy infraqurylymmen qamtamasyz etiletin bolady»,-dedi ákim.
Sondai-aq, qala boiynsha ortalyqtandyrylǵan qubyr sýymen qamtylǵan halyqtyń úlesi 91,4 paiyzdy qurasa, 7 eldi mekendi aýyz sýmen qamtamasyz etý maqsatynda tiisti jumystar júrgizilýde. Al Arystaǵy barlyq eldi mekender 2016-2022 jyldarǵa arnalǵan tabiǵi gazben qamtamasyz etý is-shara josparyna sáikes kezeń-kezeńmen qamtylatyn bolady. Máselen, «Beineý-Bozai-Aqbulaq» gaz magistraly qubyry boiyndaǵy №19 avtomattandyrylǵan gaz taratý stansasynan – Arys qalasy jáne 5 eldi meken kógildir otynmen qamtamasyz etiledi.
OQO ákiminiń baspasóz qyzmeti
