Aldymen, tilshiler «Kóktem - 2» turǵyn aýdanynda bolyp, ondaǵy 36 páterli úsh birdei kópqabatty úidiń qurylys jumystarymen tanysty. Úsh qabattan turatyn turǵyn úilerdiń jobalyq-smetalyq qujattary 2015 jyly bektilgen. Qazirgi tańda 3 úidiń qurylys jumystary jospar boiynsha tolyǵymen aiaqtalyp, memlekettik qabyldaý aktisimen qabyldanǵan. Aita ketý kerek, Arystaǵy naq osy turǵyn aýdanda, munan bólek, taǵy 36 páterli kóp qabatty úsh úidiń qurylys jumystary júrýde. Al qala boiynsha 1300-den astam azamat úi kezeginde tur.
Sondai-aq, BAQ ókilderi atalǵan turǵyn aýdanda jýyrda ǵana qurylys jumystary aiaqtalǵan sport alańshasyna da aialdady. Jobanyń jalpy quny 60 mln. teńge. Nysannyń qurylys jumystary aǵymdaǵy jyldyń qyrkúiek aiynda aiaqtalyp otyr.
Odan bólek, qaladaǵy qoǵamdyq oryndardy abattandyrý sharýalary da jospar boiynsha atqarylyp keledi. Is-sapar barysynda «Máńgilik el» saiabaǵynda bolǵan jýrnalister osyndai jumystarǵa kýá boldy. Jalpy, kóriktendirý sharalaryna 79 mln. 677 myń teńge qarjy qaralǵan. Merdiger mekeme qurylys jumystaryn 2017 jyly bastap, biyl maýsym aiynda aiaqtap otyr.
Sonymen qatar, abattandyrý jumystary «Qurmetti azamattar» saiabaǵynda da júrgizilgen. «Djil» JShS merdiger mekemesi atalǵan saiabaqtaǵy sharýany «Turǵyn úi-kommýnaldyq sharýashylyq, jolaýshylar kóligi jáne avtomobil joldary bólimi» memlekettik mekemesiniń tapsyrysymen 6 ai merzimde aiaqtaǵan. Jobanyń quny 46 mln. 999 myń teńge.
Túrkistan oblysy ákiminiń baspasóz qyzmeti
