تۇركىستان وبلىسى اكىمىنىڭ باسپا ءسوز قىزمەتى ارىس قالاسىنا ب ا ق وكىلدەرى ءۇشىن پرەسس-تۋر ۇيىمداستىردى. وندا جۋرناليستەر شاحارداعى تۇرعىن ءۇي ماسەلەسىنە، الەۋمەتتىك جانە باسقا دا نىسانداردا اتقارىلىپ جاتقان جۇمىستاردىڭ بارىسىنا قانىقتى.

الدىمەن، تىلشىلەر «كوكتەم - 2» تۇرعىن اۋدانىندا بولىپ، ونداعى 36 پاتەرلى ءۇش بىردەي كوپقاباتتى ءۇيدىڭ قۇرىلىس جۇمىستارىمەن تانىستى. ءۇش قاباتتان تۇراتىن تۇرعىن ۇيلەردىڭ جوبالىق-سمەتالىق قۇجاتتارى 2015 جىلى بەكتىلگەن. قازىرگى تاڭدا 3 ءۇيدىڭ قۇرىلىس جۇمىستارى جوسپار بويىنشا تولىعىمەن اياقتالىپ، مەملەكەتتىك قابىلداۋ اكتىسىمەن قابىلدانعان. ايتا كەتۋ كەرەك، ارىستاعى ناق وسى تۇرعىن اۋداندا، مۇنان بولەك، تاعى 36 پاتەرلى كوپ قاباتتى ءۇش  ءۇيدىڭ قۇرىلىس جۇمىستارى جۇرۋدە. ال قالا بويىنشا 1300-دەن استام ازامات ءۇي كەزەگىندە تۇر.

سونداي-اق، ب ا ق وكىلدەرى اتالعان تۇرعىن اۋداندا جۋىردا عانا قۇرىلىس جۇمىستارى اياقتالعان سپورت الاڭشاسىنا دا ايالدادى. جوبانىڭ جالپى قۇنى 60 ملن. تەڭگە. نىساننىڭ قۇرىلىس جۇمىستارى اعىمداعى جىلدىڭ قىركۇيەك ايىندا اياقتالىپ وتىر.

ودان بولەك، قالاداعى قوعامدىق ورىنداردى اباتتاندىرۋ شارۋالارى دا جوسپار بويىنشا اتقارىلىپ كەلەدى. ءىس-ساپار بارىسىندا  «ماڭگىلىك ەل» ساياباعىندا بولعان جۋرناليستەر وسىنداي جۇمىستارعا كۋا بولدى. جالپى، كورىكتەندىرۋ شارالارىنا 79 ملن. 677 مىڭ تەڭگە قارجى قارالعان. مەردىگەر مەكەمە قۇرىلىس جۇمىستارىن 2017 جىلى باستاپ، بيىل ماۋسىم ايىندا اياقتاپ وتىر.

سونىمەن قاتار، اباتتاندىرۋ جۇمىستارى «قۇرمەتتى ازاماتتار» ساياباعىندا دا جۇرگىزىلگەن. «دجيل» ج ش س مەردىگەر مەكەمەسى اتالعان ساياباقتاعى شارۋانى «تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مەملەكەتتىك مەكەمەسىنىڭ تاپسىرىسىمەن 6 اي مەرزىمدە اياقتاعان. جوبانىڭ قۇنى 46 ملن. 999 مىڭ تەڭگە.



تۇركىستان وبلىسى اكىمىنىڭ باسپا ءسوز قىزمەتى