Arys qalasynda jalpy joldardyń uzyndyǵy 272,3 shaqyrymdy quraıdy. Onyń 256 shaqyrymyna, ıaǵnı 94% jolǵa asfált tóselgen. Sondaı-aq, respýblıkalyq «Aýyl-El besigi» jobasy sheńberinde Arys qalasy Montaıtas eldi mekeninde İ-kezek boıynsha 14 kóshege asfált jabyndysy tóselinip, jaryq baǵanalary ornatylǵan. Sonymen qatar, İİ-kezek boıynsha Aqdala eldi mekeninde 28 kósheniń ortasha jóndeý jumystary men jaryqtandyrý júrgizilip, el ıgiligine paıdalanýǵa berildi.     

Budan ózge, Arys qalasy boıynsha ortalyqtandyrylǵan aýyz sýmen qamtamasyz etilgen halyqtyń úlesi 96,2%-ǵa jetip otyr. Al tabıǵı gazben qamtamasyz etý 3 kezeńde júzege aspaq. Jalpy Arys qalasy boıynsha 32 eldi mekenniń jospar boıynsha 24 eldi mekeni tabıǵı gazben qamtylýy tıis. Qalǵan 8 eldi mekenniń 3-i kóshirilgen, 5 eldi meken shalǵaıda ornalasqan.

Sonymen qatar, aǵymdaǵy jyldyń 10 aıynda «Eńbek» memlekettik baǵdarlamasy sheńberinde 2391 adam jumyspen qamtý sharalaryna qatysqan. Qysqa merzimdi kásiptik oqytýǵa jergilikti búdjet esebinen 14 mln. teńge qaralyp óńirlik komısıa sheshimine sáıkes, 70 adam oqýǵa joldanǵan. Kásipkerlikti yntalandyrý maqsatynda qala jáne aýyldyq okrýgterden 6 paıyzdyq jeńildetilgen nesıe boıynsha nıet bildirgen 33 adamǵa joldama berilip, qarjy uıymdar tarapynan 14 adamǵa 75,5 mln.teńge shaǵyn nesıe berilgen.

Túrkistan oblysynyń Óńirlik komýnıkasıalar qyzmeti