Elimizdiń Indýstriia jáne infraqurylymdyq damý ministriniń birinshi orynbasary Qaiyrbek Óskenbaevtyń aitýynsha, apat kezinde 7 myń 634 úi búlingen.
Búginge deiin 7 myń 335-si tolyq qalpyna keltirildi. Komissiianyń sheshimimen turýǵa jaramsyz dep tanylǵan 466 baspana qaita salynýda.
Búginge deiin onyń 188-de qurylys jumystary aiaqtalyp, 142 úide árleý jumystary júrgizilip jatyr. Taǵy 278 úidiń qurylysy júrýde.
Arys qalasynda barlyǵy 66 áleýmettik nysan bar. Onyń ishinde 53 bilim berý mekemesi, 8 densaýlyq saqtaý, 4 sport, 1 dańq alleiasy. Búginde sonyń 59 nysany tapsyryldy. Aita keteiik, Arysty qalpyna keltirý úshin 16 sektorǵa bólip, ár sektorǵa bir-bir oblysty jaýapty etip bekitken bolatyn.
Búginge deiin 9 sektorda qurylys jumystary tolyq aiaqtalyp, qurylysshylar úilerine qaitaryldy. Qalǵan sektorlarda 4 myńǵa jýyq qurylysshy jumys istep jatyr. Nur-Sultan qalasyna qarasty sektorda 57 kóp qabatty jáne 642 jeke turǵyn úi bar. 219 jeke turǵyn úidiń jóndeý jumystary aiaqtalyp, 267-inde árleý jumystary jalǵasýda. Al 156 úi tolyq qaita salynýda.
Toigúl Álenova, Arys qalasynyń turǵyny:
- Snosqa ketti úiimiz, sodan basynan bastap saldy. Rahmet balalarǵa, olardyń ózderi de jańadan bastap jatyr. Firmaǵa raqmet, Elbasyna raqmet, halqymyzǵa raqmet. Osy halyqtyń arqasy áitpese múmkin emes. Azyq-túligimizdi jetkizip berdi halyq.
