Sózimizge dálel bıylǵy jyly Arys qalasyda 12 mlrd. 521 mln. teńgeniń aýyl sharýashylyǵy ónimderi óndirilip, naqty kólem ındeksi 93,6 paıyzdy qurady.
Bıylǵy jyly jalpy kólemi 22900 gektarǵa egis egý josparlansa, 27676 gektarǵa dán sebilip jospar 120,9 paıyzǵa oryndalǵan eken. Sonymen qatar, qala ákimi Murat Qadyrbektiń aıtyp ótkenindeı bıyl 6 gektar jerge jylyjaı salý kerek bolsa, 6,1 gektar jerge jylyjaı salynyp jospar artyǵymen oryndalǵan.
Jyl basyan beri Arys qalasyna tartylǵan ınvestısıa kólemi 6 mlrd. 108 mln. teńgeni quraǵan. Ótken jyldyń tıisti kezeńimen salystyrǵanda 1 mlrd. 107 mln. teńgege artyq.
Aǵymdaǵy jyldyń qazan aıynda Qojatoǵaı aýyldyq okrýginde «KazGreenTekSolar» seriktestigi fransýzdyq kompanıamen birlesip, 30 gektar jerge quny 7 mlrd. teńgelik qýattylyǵy 14 mVt bolatyn kún sáýlesinen balamaly elektr energıasyn óndiretin stansıanyń qurylys jumystary bastaldy.
Odan bólek, «Túrkistan» áleýmettik kásipkerlik korporasıasy» AQ usynysy negizinde qýattylyǵy 50 mVt-ty quraıtyn kún sáýlesinen qýat óndiretin stansıa salynatyn bolady.
