Bóbekjai zamanaýi qural-jabdyqtarmen qamtylǵan. Jas órenderdiń tárbie alýyna jáne olardyń boiyna bilimniń alǵashqy negizin qalaýǵa qajetti jaǵdaidyń barlyǵy jasalǵan. Balabaqsha ishindegi balalar oiyn alańyna da erekshe kóńil bólingen. Óitkeni, mekemeniń basty baǵyty búldirshinderge tek tárbie berip qana qoimai olardyń sportpen ainalysýyna basa nazar aýdarylǵan.
Jalpy Arys qalasynda búginde 49 mektepke deiingi uiymda 4207 bala tárbielenýde, iaǵni balabaqshamen qamtylý kórsetkishi 85,9 paiyzdy qurap otyr. Sonyń ishinde memlekettik-jekemenshik áriptestik aiasynda 27 jekemenshik balabaqsha, 10 memlekettik, 12 mektep janynan ashylǵan balabaqsha jumys istep keledi.
Arys qalasyna jasaǵan jumys sapary barysynda oblys ákimi J. Túimebaev mektepke deiingi bilim beretin mekemeniń ashylý saltanatyna qatysyp, búldirshinderge baldyrǵan velosipedin syiǵa tarty. Budan bólek, aimaq basshysy Arys qalasyndaǵy seriktestik aiasynda qurylysy júrip jatqan balabaqshamen de tanysty. 100 orynǵa shaqtalǵan balabaqshanyń quny 80 mln. teńgeni quraidy. Zamanaýi úlgide salynyp jatqan nysan 2018 jyly paidalanýǵa beriledi dep kútilýde.
OQO ákiminiń baspasóz qyzmeti
