Aýdan basshysynyń aitýynsha, ótken jyly aimaqta óndirilgen jalpy ishki ónim kólemi 32,8 mlrd. teńgeni quraǵan. Al aǵymdaǵy jyly qala ekonomikasynyń ishki ónim kólemin 33,8 mlrd. teńgege jetkizý josparlanýda.
– Byltyr qalanyń ónerkásip kásiporyndarynda 8 mlrd. 782 mln. teńgeniń ónimi óndirilip, ónerkásip óniminiń naqty kólem indeksi 104,6 paiyzdy qurady. Aǵymdaǵy jyly ónerkásip óniminiń naqty kólem indeksin 105 paiyzǵa jetkizý kózdelip otyr. Sondai-aq, óńir kásipkerligin qoldaý kartasy aiasynda 2018 jyly jalpy quny 8 mlrd. 680 mln. teńgeni quraityn 8 joba iske qosylyp, 172 jumys oryndary ashylatyn bolady, – dedi Murat Bolatuly.
Budan ózge, ótken jyly aimaqta negizgi kapitalǵa tartylǵan jalpy investitsiia kólemi 5 mlrd. 831 mln. teńgege jetti. Ónerkásip, shaǵyn jáne orta kásipkerlik, týrizm jáne aýylsharýashylyǵy salalarynda iske asyrylatyn jobalardyń esebinen 2018 jyly biýdjettik emes investitsiia kólemi 2 mlrd. 864 mln. teńgeni quraidy dep josparlanǵan.
«Biznestiń jol kartasy – 2020» biznesti qoldaý men damytýdyń biryńǵai baǵdarlamasy aiasynda 3 jobaǵa qoldaý kórsetilipti. 2018 jyly atalǵan baǵdarlama aiasynda 7 jobaǵa qoldaý kórsetiletin bolady. Onyń 3-i sýbsidiialaý, 2-i kepildendirý, 1 grant, 1 infraqurylym boiynsha júzege aspaq.
Sonymen qatar, ótken jyly óńirdegi aýyl sharýashylyq óniminiń kólemi 13 mlrd. 142 mln. teńgeni qurap, naqty kólem indeksi 110,6 paiyzǵa jetken. Sondai-aq, byltyr jylyjai alańy 3,1 gektarǵa artsa, aǵymdaǵy jyly 6 gektarǵa jylyjai salý josparlanýda.
OQO ákiminiń baspasóz qyzmeti
https://dalanews.kz/28219
