اۋدان باسشىسىنىڭ ايتۋىنشا، وتكەن جىلى ايماقتا وندىرىلگەن جالپى ىشكى ءونىم كولەمى 32،8 ملرد. تەڭگەنى قۇراعان. ال اعىمداعى جىلى قالا ەكونوميكاسىنىڭ ىشكى ءونىم كولەمىن 33،8 ملرد. تەڭگەگە جەتكىزۋ جوسپارلانۋدا.
– بىلتىر قالانىڭ ونەركاسىپ كاسىپورىندارىندا 8 ملرد. 782 ملن. تەڭگەنىڭ ءونىمى ءوندىرىلىپ، ونەركاسىپ ءونىمىنىڭ ناقتى كولەم يندەكسى 104،6 پايىزدى قۇرادى. اعىمداعى جىلى ونەركاسىپ ءونىمىنىڭ ناقتى كولەم يندەكسىن 105 پايىزعا جەتكىزۋ كوزدەلىپ وتىر. سونداي-اق، ءوڭىر كاسىپكەرلىگىن قولداۋ كارتاسى اياسىندا 2018 جىلى جالپى قۇنى 8 ملرد. 680 ملن. تەڭگەنى قۇرايتىن 8 جوبا ىسكە قوسىلىپ، 172 جۇمىس ورىندارى اشىلاتىن بولادى، – دەدى مۇرات بولات ۇلى.
بۇدان وزگە، وتكەن جىلى ايماقتا نەگىزگى كاپيتالعا تارتىلعان جالپى ينۆەستيسيا كولەمى 5 ملرد. 831 ملن. تەڭگەگە جەتتى. ونەركاسىپ، شاعىن جانە ورتا كاسىپكەرلىك، تۋريزم جانە اۋىلشارۋاشىلىعى سالالارىندا ىسكە اسىرىلاتىن جوبالاردىڭ ەسەبىنەن 2018 جىلى بيۋدجەتتىك ەمەس ينۆەستيسيا كولەمى 2 ملرد. 864 ملن. تەڭگەنى قۇرايدى دەپ جوسپارلانعان.
«بيزنەستىڭ جول كارتاسى – 2020» بيزنەستى قولداۋ مەن دامىتۋدىڭ ءبىرىڭعاي باعدارلاماسى اياسىندا 3 جوباعا قولداۋ كورسەتىلىپتى. 2018 جىلى اتالعان باعدارلاما اياسىندا 7 جوباعا قولداۋ كورسەتىلەتىن بولادى. ونىڭ 3ء-ى سۋبسيديالاۋ، 2ء-ى كەپىلدەندىرۋ، 1 گرانت، 1 ينفراقۇرىلىم بويىنشا جۇزەگە اسپاق.
سونىمەن قاتار، وتكەن جىلى وڭىردەگى اۋىل شارۋاشىلىق ءونىمىنىڭ كولەمى 13 ملرد. 142 ملن. تەڭگەنى قۇراپ، ناقتى كولەم يندەكسى 110،6 پايىزعا جەتكەن. سونداي-اق، بىلتىر جىلىجاي الاڭى 3،1 گەكتارعا ارتسا، اعىمداعى جىلى 6 گەكتارعا جىلىجاي سالۋ جوسپارلانۋدا.
وقو اكىمىنىڭ باسپا ءسوز قىزمەتى
https://dalanews.kz/28219
