Arys qalasynda politseilerge qurmet kórsetildi
Merekelik is-sharaǵa qala ákimi M.Qadyrbek, qalalyq máslihat hatshysy A.Baitanaev, ákim orynbasarlary, máslihat depýtattary, mekeme, bólim basshylary, quqyq qorǵaý organdarynyń basshylary, qyzmetkerleri men ardagerleri qatysty.
Saltanatty jiynda sóz alǵan qala ákimi Murat Bolatuly - «Sizder, qylmystyń aldyn alý, qoǵamdyq tártipti saqtaý jáne azamattardyń konstitýtsiialyq quqyqtaryn qorǵaýǵa laiyqty úles qosyp kelesizder. Sondai-aq qalamyzdyń barlyq tabystary men jetistikterin, Otanymyzdyń tynyshtyǵy jáne qoǵamdyq qaýipsizdikti qorǵaýda aýqymdy ister atqarýdasyzdar. Negizgi mindetterińiz halyq senimin barynsha ielenip, qiyndyǵy men jaýapkershiligi mol qyzmetterińizdi atqarýda jańa tabystarǵa jetýlerińizge tilektespin!» -dep izgi tilegin bildirdi.
El alǵysyna bólenip, qoǵam men halyq igiligine qyzmet etýdi murat tutqan birqatar azamattar jáne zeinetkerlik jasqa tolǵan quqyq qorǵaý organdarynyń qyzmetkerleri Qazaqstan politsiiasyna 25 jyl tósbelgisi men alǵys hattar jáne baǵaly syilyqtarymen marapattaldy.
Merekelik shara sońy mádeniet úiiniń ónerpazdarynyń kontserttik baǵdarlamasyna ulasty.
