مەرەكەلىك ءىس-شاراعا قالا اكىمى م.قادىربەك، قالالىق ءماسليحات حاتشىسى ا.بايتانايەۆ، اكىم ورىنباسارلارى، ءماسليحات دەپۋتاتتارى، مەكەمە، ءبولىم باسشىلارى، قۇقىق قورعاۋ ورگاندارىنىڭ باسشىلارى، قىزمەتكەرلەرى مەن ارداگەرلەرى قاتىستى.
سالتاناتتى جيىندا ءسوز العان قالا اكىمى مۇرات بولات ۇلى - «سىزدەر، قىلمىستىڭ الدىن الۋ، قوعامدىق ءتارتىپتى ساقتاۋ جانە ازاماتتاردىڭ كونستيتۋسيالىق قۇقىقتارىن قورعاۋعا لايىقتى ۇلەس قوسىپ كەلەسىزدەر. سونداي-اق قالامىزدىڭ بارلىق تابىستارى مەن جەتىستىكتەرىن، وتانىمىزدىڭ تىنىشتىعى جانە قوعامدىق قاۋىپسىزدىكتى قورعاۋدا اۋقىمدى ىستەر اتقارۋداسىزدار. نەگىزگى مىندەتتەرىڭىز حالىق سەنىمىن بارىنشا يەلەنىپ، قيىندىعى مەن جاۋاپكەرشىلىگى مول قىزمەتتەرىڭىزدى اتقارۋدا جاڭا تابىستارعا جەتۋلەرىڭىزگە تىلەكتەسپىن!» -دەپ ىزگى تىلەگىن ءبىلدىردى.
ەل العىسىنا بولەنىپ، قوعام مەن حالىق يگىلىگىنە قىزمەت ەتۋدى مۇرات تۇتقان ءبىرقاتار ازاماتتار جانە زەينەتكەرلىك جاسقا تولعان قۇقىق قورعاۋ ورگاندارىنىڭ قىزمەتكەرلەرى قازاقستان پوليسياسىنا 25 جىل توسبەلگىسى مەن العىس حاتتار جانە باعالى سىيلىقتارىمەن ماراپاتتالدى.
مەرەكەلىك شارا سوڭى مادەنيەت ءۇيىنىڭ ونەرپازدارىنىڭ كونسەرتتىك باعدارلاماسىنا ۇلاستى.
