Niǵmatýlinder áýletiniń úlkeni – Arǵyn Niǵmatýlinge qatysty jańa málimetter paida boldy. Atap aitqanda, bul qylmystyq istiń bas prokýratýraǵa qashan berilgeni belgili boldy, dep habarlaidy Dalanews.kz.
“Qylmystyq is Qylmystyq-protsestik kodekstiń 186-baby tártibinde 7 jeltoqsanda Bas prokýratýranyń óndirisine berildi. Sondyqtan tergeý barysyna qatysty pikir bildire almaimyz. Biraq Ákimshilik rásimdik-protsestik kodekstiń 65-babynyń 1-bóligine sáikes, bizge tek izdeý jumystary júktelgenin atap ótkim keledi. Iaǵni, atalǵan adamdy izdeý sharalaryn sybailas jemqorlyqqa qarsy qyzmet júzege asyryp jatyr. Izdeý jalǵasýda, alaida, ókinishke qarai, bul jónindegi aqparatty jariialai almaimyz. Sebebi bul kúdiktiniń jasyryna túsýine yqpal etýi múmkin”, – dedi Sybailas jemqorlyqqa qarsy qyzmettiń resmi ókili Daniiar Biǵaidarov.
Eske salaiyq,qadaǵalaý organy Arǵyn Nyǵmatýlinge jáne Qaraǵandy oblysynda hokkeidi damytýǵa bólingen biýdjet qarajatyn jymqyrdy degen kúdikke ilingen basqa da adamdarǵa qatysty qylmystyq isti tergep jatyr.
«Sotaldy tergep-tekserý sheńberinde A.Z. Nyǵmatýlin kúdikti dep tanyldy, sot sanktsiiasymen oǵan qamaýda ustaý túrindegi bultartpaý sharasy tańdaldy jáne ol Qazaqstannan tys jerde bolýyna bailanysty izdeý jariialandy», - dep jazylǵan habarlamada.
Aita keteiik, buǵan deiin Sybailas jemqorlyqqa qarsy qyzmet Nurlan Nyǵmatýlinniń aǵasy Arǵyn Nyǵmatýlindi izdep jatqany habarlandy.
Bul is biyl 3 naýryzda Astanada tirkeldi. Izdeýge bastama jasaǵan - prokýratýra.
Ashyq derekkóz málimetinshe, Arǵyn Nyǵmatýlin - Májilistiń burynǵy tóraǵasy Nurlan Nyǵmatýlinniń jáne eks-depýtat Erlan Nyǵmatýlinniń aǵasy.
Ol 1955 jyly 28 maýsymda dúniege kelgen. 2007 jyly sáýirden 2018 jylǵa deiin «Saryarqa» hokkei klýby» JShS direktory qyzmetin atqardy. Qaraǵandy oblystyq máslihatynyń depýtaty boldy.
