Ardager jýrnalist Nurtileý Imanǵaliuly efirge oraldy
«Meniń televiziiada 44 jyl júrgende túigenim – biz bárin bilemiz. Biraq zańmen tanys emespiz. Kez kelgen táýelsiz Qazaq eliniń azamaty óziniń zańmen tanys bolmasa, túptiń túbinde zań onymen tanysatynyn esten shyǵarmasa dep oilaimyn. «Zań jáne zaman» (red.esk. – baǵdarlamany) dep te ataýǵa bolar edi. Biraq, qalai bolǵanda da biz endigi jerde ózimizden buryn tártipke, ádiletke júginýdiń jalǵyz joly – zańdy sóiletý. Zań sóilese – kez kelgen kórermenge kómek bolady ǵoi degen senimimiz bar. Ókinishke orai, qazirgi qazaq televiziiasynda mundai janr kóp emes. Qazir ne kóp – shoý kóp, kontserttik baǵdarlamalar kóp. Al elge kómek bolatyndai, elmen aqyldasatyndai, bolyp jatqan jańalyqtarǵa únińdi qosatyndai pýblitsistikalyq sýrettemeler, ocherkterdiń azaiýy qynjyltady. Al bul joba osyndai olqylyqtardyń ornyn toltyratyndai dúnie bolatyndai kórinedi maǵan», - deidi joba júrgizýshisi Nurtileý Imanǵaliuly.
Qazaq tilindegi jańa teleónim siýjetter men arnaiy reportajdarǵa qurylyp, jýrnalister qoǵamda oryn alyp jatqan is júzindegi keleńsizdikterdi ashyp kórsetedi. Munymen qatar, «Zańger keńesi» aidarynda kez kelgen qazaqstandyq zań salasyndaǵy ózin qyzyqtyrǵan kókeikesti suraqtarǵa jaýap ala alady.
