Memleket basshysy jalpyhalyqtyq referendýmda qabyldanǵan konstitýtsiialyq ózgerister Ádiletti Qazaqstannyń simvolyna ainalǵanyn atap ótti.
"Biz Ata zańymyzda jer men tabiǵi resýrstar halyqtyń menshigi degen basty qaǵidatty bekittik. Bul – qur sóz emes. Bul – barlyq reformanyń arqaýy", – dedi Toqaev.
2024 jyldan bastap Ulttyq qordyń jyldyq investitsiialyq tabysynyń teń jartysy 18-ge tolmaǵan qazaqstandyqtardyń jeke shottaryna aýdarylyp otyrady.
"Árbir otbasy eldiń ulttyq bailyǵyn paidalanǵany úshin naqty tabys alýy kerek. Sondyqtan men jariialaǵan Balalar jyly aiasynda jańa «Balalarǵa arnalǵan ulttyq qor» baǵdarlamasyn iske qosýdy asa mańyzdy dep sanaimyn.
Ulttyq qordyń jyldyq investitsiialyq kirisiniń 50 paiyzyn balalar 18 jasqa tolǵanǵa deiin merziminen buryn alý quqyǵynsyz arnaiy jinaq shottaryna bólýdi usynamyn.
Qor shynymen de ulttyq mártebege ie bolyp, halyq igiligine qyzmet etetin bolady. Osy aýqymdy isti jan-jaqty zerdeleý qajettiligin eskere otyryp, jobany 2024 jyldyń 1 qańtarynan bastap iske qosýdy tapsyramyn", – dedi Memleket basshysy.
https://dalanews.kz/bas-takyryp/80858-kuzde-prezident-saylauy-otedi-toqa
