مەملەكەت باسشىسى جالپىحالىقتىق رەفەرەندۋمدا قابىلدانعان كونستيتۋتسييالىق ٶزگەرٸستەر ەدٸلەتتٸ قازاقستاننىڭ سيمۆولىنا اينالعانىن اتاپ ٶتتٸ.
"بٸز اتا زاڭىمىزدا جەر مەن تابيعي رەسۋرستار حالىقتىڭ مەنشٸگٸ دەگەن باستى قاعيداتتى بەكٸتتٸك. بۇل – قۇر سٶز ەمەس. بۇل – بارلىق رەفورمانىڭ ارقاۋى", – دەدٸ توقاەۆ.
2024 جىلدان باستاپ ۇلتتىق قوردىڭ جىلدىق ينۆەستيتسييالىق تابىسىنىڭ تەڭ جارتىسى 18-گە تولماعان قازاقستاندىقتاردىڭ جەكە شوتتارىنا اۋدارىلىپ وتىرادى.
"ەربٸر وتباسى ەلدٸڭ ۇلتتىق بايلىعىن پايدالانعانى ٷشٸن ناقتى تابىس الۋى كەرەك. سوندىقتان مەن جارييالاعان بالالار جىلى اياسىندا جاڭا «بالالارعا ارنالعان ۇلتتىق قور» باعدارلاماسىن ٸسكە قوسۋدى اسا ماڭىزدى دەپ سانايمىن.
ۇلتتىق قوردىڭ جىلدىق ينۆەستيتسييالىق كٸرٸسٸنٸڭ 50 پايىزىن بالالار 18 جاسقا تولعانعا دەيٸن مەرزٸمٸنەن بۇرىن الۋ قۇقىعىنسىز ارنايى جيناق شوتتارىنا بٶلۋدٸ ۇسىنامىن.
قور شىنىمەن دە ۇلتتىق مەرتەبەگە يە بولىپ, حالىق يگٸلٸگٸنە قىزمەت ەتەتٸن بولادى. وسى اۋقىمدى ٸستٸ جان-جاقتى زەردەلەۋ قاجەتتٸلٸگٸن ەسكەرە وتىرىپ, جوبانى 2024 جىلدىڭ 1 قاڭتارىنان باستاپ ٸسكە قوسۋدى تاپسىرامىن", – دەدٸ مەملەكەت باسشىسى.
https://dalanews.kz/bas-takyryp/80858-kuzde-prezident-saylauy-otedi-toqa
