Biyl sońǵy 5 jylda alǵash ret vegetatsiia kezinde Aral teńizine sý jiberý jospary 100%-ǵa jýyq oryndaldy. Jalpy 977 mln tekshe metr sý jiberildi, dep habarlaidy Dalanews.kz.
Úkimettiń baspasóz qyzmetiniń málimetinshe, sońǵy jyldary teńizge 350-400 mln tekshe metrsý kelip otyrsa, biylǵy jyldyń basynan beri bul kólem 2 mlrd tekshe metrdenasty, al jyl sońyna deiin taǵy shamamen 500 mln jiberý josparlanyp otyr.
"Búgingi tańda Soltústik Aral teńiziniń sý kólemi 22 mlrd tekshe metrge jetti. Teńizge osyǵan deiin vegetatsiia kezinde sekýndyna 7-10 tekshe metr sý jiberilgen bolsa, biyl sekýndyna 60-70 tekshe metr sý jiberildi", — dep málimdedi Aral-Syrdariia basseindik inspektsiiasy basshysynyń orynbasary Zeinýlla Qaztoǵanov.
Budan bólek, Aqshataý-Sorǵaq jáne Qamystybas kólderjúiesine 45 mln tekshe metrden astam sý jiberildi. Bul balyq sharýashylyǵy men týrizimdi damytýǵa tiimdi áser etip otyr. Máselen, sońǵy jyldary Aral teńiziniń mineralizatsiiasy azaiyp, balyqtyń kóbeiýine jaǵymdy áser etýde. Teńiz tartylǵannan beri jergilikti balyqshylar jylyna 400 tonna ǵana balyq aýlasa, qazir 7,5-8 myń tonnaǵadeiin balyq aýlaidy.
76 jastaǵy Qaratereń aýylynyń turǵyny, balyqshy Kúntýǵan Turǵanbaev ómir boiy osy kásippen ainalysyp keledi. Onyń aitýynsha, týǵan ólkege sý kelgeli jańa múmkindikter paida bolǵan.
"Kózimizdi ashqannan teńizden balyq aýlaýmen ainalysyp kelemiz. Sý kelgeli balyq ta jandanyp, dariiaǵa kirip jatyr. Biyl byltyrǵyǵa qaraǵanda balyq kóbirek. Araldy osy deńgeide ustap tursa, balyq sharýashylyǵy damidy", — deidi ol.
Osy rette Sý resýrstary jáne irrigatsiia ministrligi Dúniejúzilik bankpen birlesip Soltústik Aral teńizin saqtaý jónindegi jobanyń ekinshi kezeńine daiyndalyp jatyr. Qazirgi ýaqytta joba boiynsha qajetti qujattama ázirlenýde. Ekinshi kezeń Soltústik Araldy turaqty sýmen qamtamasyz etýden bastap ekonomikalyq jáne áleýmettik jobalardy damytýǵa deiingi túrli baǵyttardy qamtidy.
