Búginderi sol elge baryp, óz qiialdaryna arbalyp, aldanyp qalǵandaryn aitqan qazaqstandyq kelinshekter basynan ótken oqiǵalaryn ózgelerge sabaq bolsyn dep, bólisipti. Bul týraly maqala NewTimes.kz saitynda jariialandy.
Bai-manaptar bas suǵatyn dúkenge daiashy bop ornalasqan taldyqorǵandyq Darina sulý ári jas bolatyn. Tabatyn tabysy da jaman emes: 400 myń teńge. Bir kúni oǵan orta jastaǵy arabtyń kózi túsip, sóz tastaidy. Az ýaqytta „mendik bol„ dep qolqa salady. „Jumys istemeisiń, ózińniń kútýshiń bolady, baǵaly syilyqtarmen úiip-tógemin, odan artyq ne kerek. Maǵan ekinshi áiel bolasań, ul týyp berseń bolǵany„ dep qolqa salady ol.
Qyzdaryn bala dep sanamaidy
Alaida bala týa salysymen Darinanyń sán-saltanatty ómiri kúrt ózgerip qoia bergen.
— Meniń kúieýim óte bai-qýatty adam. Ol jumysynyń árbir saǵatyna jalaqy alady. Tipti, úshinshi áiel alamyn dese de oǵan salmaq emes.
Biraq qazir ol maǵan, tipti, balalaryna da kómektespeidi. Internettiń de aqysyn tólemeidi. Úsh balamyz bar. Balalarym mektepke de barmaidy. Óitkeni, ol oqý aqysyn tólegisi kelmeidi. Al qyzdaryn bala dep, moiyndamaidy.
Balalarymnyń barlyǵy maǵan tartqan, aqquba. Sodan keiin de ol balalaryn jaqsy kórmeitin sekildi, — deidi Darina.
Dýbaidaǵy ómirdi men bulai elestetken joqpyn. Munda úi janýary sekildisiń
Shymkenttik Marjan esimdi kelinshek te jaqsy ómirdi ańsap, Arab eline baryp, tutylyp qalǵanyn aitady.
— Sheteldik qyzdar arabtardyń tek ekinshi áieli bola alady. Shariǵat boiynsha munda birinshi áiel arab bolǵany durys. Meniń kúieýim óte bai, onyń menen bólek birinshi áieli bar. Árine, Dýbaidaǵy ómirdi men bulai elestetken joqpyn. Basynda bári jaqsy boldy. Bir adamdy qulai súiip, kúieýge shyǵasyń, bala týasyń, sodan keiin bári bitti dei berińiz.
Al munda kúieýińniń ruqsatynsyz eshqaida shyǵa almaisyz. Bir sózben aitqanda, óz-ózińe tiesili emessiń. Úi janýary sekildisiń. Arab áielderiniń eshteńege quqyǵy joq.
Jumys isteýge maǵan tyiym salynǵan. Meniń bar bitirerim: úide otyrý, jumystan keletin kúieýimdi qarsy alý. Al qandai da bir másele týa qalsa, meni kináli etedi. Tipti, jumystaǵy máselesine de men kinálimin. Keiingi kezde ol qol kóteretindi shyǵardy. Basynda úndemedim, artynan onyń barlyǵyn beinetaspaǵa túsiretin boldym. Politsiia shaqyrǵan soń, kúieýim sabyrǵa keledi, basylady.
Balalarymdy ol qatty jaqsy kóredi. Osy ǵana maǵan demeý, balalarym úshin ómir súremin!
— deidi Marjan.
Biraz bolmaǵanda, qyzymyz ekeýmiz jer basyp júrmes te edik
Onyń sózine qaraǵanda, Arab ámirliginde júrgen qazaqstandyq qyzdar kóp. Áielder bir-birimen bailanys ustap, ózara tildesip turǵandy jón kóredi eken. Tájiribelerimen bólisedi, keńesterimen almasady.
31-jastaǵy qostanailyq kelinshek búginderi arab kúieýimen ajyrasyp ketipti, biraq ol áli Dýbaida turyp jatyr.
„Ol ólimshi etip meni sabap tastaityn, tipti, „óltiremin„ dep qoqan-loqy kórsetetin. Sodan keiin men odan ajyrasyp kettim.
Shyny kerek, endi biraz bolmaǵanda, qyzymyz ekeýmiz jer basyp júrmes te edik. Baqytymyzǵa orai, men ózime kórsetilgen qorlyq-zombylyqty dáleldei aldym, sóitip bizdi ajyratty.
Ulyma ońaiyraq. Óitkeni ol ul bala ǵoi. Al Arab ámirliginde ul balaǵa barlyǵy tólenedi: baspanamen qamtamasyz etedi, oqý aqysyn tóleidi, dárigerge tegin qaralady. Al maǵan Qazaqstan azamaty retinde barlyǵy aqyly.
Mysaly, dárigerdiń kómegi kerek bolsa, aqysyn tólep qana qarala alamyn. Men ai saiyn járdemaqy alamyn, óitkeni, arab balalaryn tárbielep otyrmyn ǵoi„, — deidi ol.
Bul aitylǵan oqiǵalar bergi jaǵy ǵana kórinedi. Óitkeni, arab elderinde er adamnyń quqyǵy joǵary, sondyqtan olar oiyna kelgenin istei alatyn kórinedi. Sondyqtan munda qorlyqqa shydamai, óz ómirimen qosh aitysatyn názik jandylar kóp kórinedi.
Derekkóz: kaz.365info.kz
